Qazaqstannyń Qorǵanys ministrligi A-400M aýyr áskeri-kólik ushaqtaryn satyp alý josparlap otyr. Bul týraly Qorǵanys ministriniń orynbasary, general-leitenant Rýslan Shpekbaevtyń maqalasynan málim boldy, dep habarlaidy QazAqparat.
«Egemen Qazaqstan» gazetine jariialanǵan maqaladaǵy derekterge qaraǵanda, Memleket basshysy – Qarýly kúshterdiń Joǵarǵy Bas qolbasshysy Qasym-Jomart Toqaev 2022 jylǵy 19 qańtar kúngi Qorǵanys ministrliginde sóilegen sózinde geosaiasi jaǵdaidy jáne óńirlik deńgeidegi qaýip-qaterlerdi eskere otyryp, Qarýly kúshterdiń jaýyngerlik qabiletin túbegeili arttyrýdy talap etti.
Prezident, sondai-aq áskeri-kóliktik aviatsiia parkin tolyqtyrý qajettigin de basa aitty. 2022 jylǵa arnalǵan qarý-jaraq pen áskeri tehnikany satyp alý josparyn qaita qaraýdy tapsyrdy.
«Osy tapsyrmalardy oryndaý maqsatynda júk kóterimdiligi 40 tonnaǵa deiin jetetin A-400M aýyr áskeri-kóliktik ushaqtaryn satyp alý josparlanyp otyr», - delingen saraptamalyq maqalada.
Sondai-aq onda elimizdiń Áýe qorǵanys kúshteri qazirgi zamanǵy 4++ býyndaǵy Sý-30SM joiǵyshtarmen, óz tobynda úzdik sanalatyn S-295 áskeri-kóliktik ushaqtarymen, Zlin oqý-jattyǵý ushaqtarymen, ES-145, Mi-171Sh tikushaqtarymen, Mi-35M kóliktik-jaýyngerlik tikushaqtarymen tolyqtyrylǵany aitylǵan.
Keleshekte Sý-34 joiǵysh-bombalaýshy, Sý-39 shabýyldaýshy ushaqtaryn satyp alý josparlanýda.
«Áýe shabýylyna qarsy qorǵanys tehnikalary parki de jańartylýda. Búginde S-300PS, S-200, S-125 zenittik-zymyran keshenderi, otandyq «Nur» radiolokatsiialyq stantsiialary jaýyngerlik kezekshilikti laiyqty atqaryp keledi. Áýe shabýylyna qarsy qorǵanys júiesiniń, onyń ishinde dáldigi joǵary qarýlardyń múmkindigin arttyrý úshin 2020 jyly Býk-M2E zenittik-zymyran kesheniniń diviziony jaýyngerlik qyzmetke kiristi.
Barlaý, onyń ishinde radiolokatsiialyq barlaý mindetterin oryndaý, kedergiler keltirý jáne táýliktiń kez kelgen ýaqytynda jerústi nysanalaryna dál soqqy berý úshin «Wing Long-1» ekpindi-barlaý, «Orlan-10E» barlaý, «Skylark – 1Lex» taktikalyq ushqyshsyz ushatyn apparattary satyp alyndy. Sondai-aq, túriktiń «Anka» tektes drondaryn satyp alý máselesi de qarastyrylýda. Jalpy, áskerlerdi ushqyshsyz ushý apparattarymen jaraqtandyrý qajettilikke sáikes josparly túrde júzege asyrylatyn bolady», - degen avtor maqalasynda.
Ministrdiń orynbasarynyń málimetinshe, Qazaqstannyń Qarýly kúshteri 30 jyl ishinde 4 myńnan astam zamanaýi qarý-jaraq pen áskeri tehnika túrlerimen qamtamasyz etildi.
