قازاقستاننىڭ قورعانىس مينيسترلٸگٸ ا-400م اۋىر ەسكەري-كٶلٸك ۇشاقتارىن ساتىپ الۋ جوسپارلاپ وتىر. بۇل تۋرالى قورعانىس مينيسترٸنٸڭ ورىنباسارى, گەنەرال-لەيتەنانت رۋسلان شپەكباەۆتىڭ ماقالاسىنان مەلٸم بولدى, دەپ حابارلايدى قازاقپارات.
«ەگەمەن قازاقستان» گازەتٸنە جارييالانعان ماقالاداعى دەرەكتەرگە قاراعاندا, مەملەكەت باسشىسى – قارۋلى كٷشتەردٸڭ جوعارعى باس قولباسشىسى قاسىم-جومارت توقاەۆ 2022 جىلعى 19 قاڭتار كٷنگٸ قورعانىس مينيسترلٸگٸندە سٶيلەگەن سٶزٸندە گەوساياسي جاعدايدى جەنە ٶڭٸرلٸك دەڭگەيدەگٸ قاۋٸپ-قاتەرلەردٸ ەسكەرە وتىرىپ, قارۋلى كٷشتەردٸڭ جاۋىنگەرلٸك قابٸلەتٸن تٷبەگەيلٸ ارتتىرۋدى تالاپ ەتتٸ.
پرەزيدەنت, سونداي-اق ەسكەري-كٶلٸكتٸك اۆياتسييا پاركٸن تولىقتىرۋ قاجەتتٸگٸن دە باسا ايتتى. 2022 جىلعا ارنالعان قارۋ-جاراق پەن ەسكەري تەحنيكانى ساتىپ الۋ جوسپارىن قايتا قاراۋدى تاپسىردى.
«وسى تاپسىرمالاردى ورىنداۋ ماقساتىندا جٷك كٶتەرٸمدٸلٸگٸ 40 تونناعا دەيٸن جەتەتٸن ا-400م اۋىر ەسكەري-كٶلٸكتٸك ۇشاقتارىن ساتىپ الۋ جوسپارلانىپ وتىر», - دەلٸنگەن ساراپتامالىق ماقالادا.
سونداي-اق وندا ەلٸمٸزدٸڭ ەۋە قورعانىس كٷشتەرٸ قازٸرگٸ زامانعى 4++ بۋىنداعى سۋ-30سم جويعىشتارمەن, ٶز توبىندا ٷزدٸك سانالاتىن س-295 ەسكەري-كٶلٸكتٸك ۇشاقتارىمەن, Zlin وقۋ-جاتتىعۋ ۇشاقتارىمەن, ەس-145, مي-171ش تٸكۇشاقتارىمەن, مي-35م كٶلٸكتٸك-جاۋىنگەرلٸك تٸكۇشاقتارىمەن تولىقتىرىلعانى ايتىلعان.
كەلەشەكتە سۋ-34 جويعىش-بومبالاۋشى, سۋ-39 شابۋىلداۋشى ۇشاقتارىن ساتىپ الۋ جوسپارلانۋدا.
«ەۋە شابۋىلىنا قارسى قورعانىس تەحنيكالارى پاركٸ دە جاڭارتىلۋدا. بٷگٸندە س-300پس, س-200, س-125 زەنيتتٸك-زىمىران كەشەندەرٸ, وتاندىق «نۇر» راديولوكاتسييالىق ستانتسييالارى جاۋىنگەرلٸك كەزەكشٸلٸكتٸ لايىقتى اتقارىپ كەلەدٸ. ەۋە شابۋىلىنا قارسى قورعانىس جٷيەسٸنٸڭ, ونىڭ ٸشٸندە دەلدٸگٸ جوعارى قارۋلاردىڭ مٷمكٸندٸگٸن ارتتىرۋ ٷشٸن 2020 جىلى بۋك-م2ە زەنيتتٸك-زىمىران كەشەنٸنٸڭ ديۆيزيونى جاۋىنگەرلٸك قىزمەتكە كٸرٸستٸ.
بارلاۋ, ونىڭ ٸشٸندە راديولوكاتسييالىق بارلاۋ مٸندەتتەرٸن ورىنداۋ, كەدەرگٸلەر كەلتٸرۋ جەنە تەۋلٸكتٸڭ كەز كەلگەن ۋاقىتىندا جەرٷستٸ نىسانالارىنا دەل سوققى بەرۋ ٷشٸن «Wing Long-1» ەكپٸندٸ-بارلاۋ, «ورلان-10ە» بارلاۋ, «Skylark – 1Lex» تاكتيكالىق ۇشقىشسىز ۇشاتىن اپپاراتتارى ساتىپ الىندى. سونداي-اق, تٷرٸكتٸڭ «Anka» تەكتەس دروندارىن ساتىپ الۋ مەسەلەسٸ دە قاراستىرىلۋدا. جالپى, ەسكەرلەردٸ ۇشقىشسىز ۇشۋ اپپاراتتارىمەن جاراقتاندىرۋ قاجەتتٸلٸككە سەيكەس جوسپارلى تٷردە جٷزەگە اسىرىلاتىن بولادى», - دەگەن اۆتور ماقالاسىندا.
مينيستردٸڭ ورىنباسارىنىڭ مەلٸمەتٸنشە, قازاقستاننىڭ قارۋلى كٷشتەرٸ 30 جىل ٸشٸندە 4 مىڭنان استام زاماناۋي قارۋ-جاراق پەن ەسكەري تەحنيكا تٷرلەرٸمەن قامتاماسىز ەتٸلدٸ.
