Astanada Qorǵanys ministrligi aýmaǵynda dron ushyrǵan eki reseilik ustaldy, - dep habarlaidy "Ult Polisia.kz portaly.
Basylym málimetinshe, Reseidiń eki azamaty Esil aýdandyq politsiia bólimine jetkizilgen. Isti tekserý barysynda 21 jáne 28 jastaǵy jastardyń Qazaqstan Respýblikasy Qorǵanys ministrligi aimaǵynda jáne jaǵalaý mańynda ushqyshsyz ushaqtardy ushyrǵany anyqtalǵan.
Azamattardyń kvadrokopterdi paidalanýǵa ruqsattary bolmaǵan.
"Quqyqbuzýshylyqtar aqparatty esepke alý kitabyna tirkeledi. Qazirgi ýaqytta material zańdy sheshim qabyldaý úshin Azamattyq aviatsiia komitetine jiberildi. Atalǵan tulǵalarmen profilaktikalyq áńgime júrgizildi. Astana qalasynyń Politsiia departamenti Qazaqstan Respýblikasynyń áýe keńistigin paidalaný tártibin buzǵany úshin jaýapkershilik bar ekenin eskertedi", - delingen habarlamada.
