Genaral-leitenant Nurlan Ermekbaev áýe shabýylyna qarsy qorǵanys áskeriniń komandalyq pýnkti men qolbasshylyq basqarmasyn jospardan tys tekserdi. Táýliktik kezekshiliktiń uiymdastyrylýyn qarady, dep habarlaidy QR Qorǵanys ministrliginiń baspasóz qyzmeti.
Qorǵanys ministriniń nusqaýymen jaýyngerlik eseptop quramynyń kezekshi kúshteri jaýyngerlik daiarlyqqa keltirildi.
Áskerdegi jaǵdaiǵa jaýaptylar belgilengen merzimde eldiń áýe keńistigin qorǵaý jónindegi mindetterdi oryndaityn jeke quramnyń, qarý-jaraq pen áskeri tehnikanyń ázir ekenin baiandady.
Budan ózge, kezekshi kúshterdiń órtke qarsy qaýipsizdik, órtti shartty túrde anyqtaý men oqshaýlaý is-qimylyn uiymdastyrý barysyn tekserdi.
Atalǵan tekseris jeke quramnyń joǵary qyraǵylyq deńgeiin, kezekshi kúshter men áýe shabýylyna qarsy qorǵanys quraldarynyń jaýyngerlik mindetterdi oryndaýǵa daiyn ekenin kórsetti.
