گەنارال-لەيتەنانت نۇرلان ەرمەكباەۆ ەۋە شابۋىلىنا قارسى قورعانىس ەسكەرٸنٸڭ كوماندالىق پۋنكتٸ مەن قولباسشىلىق باسقارماسىن جوسپاردان تىس تەكسەردٸ. تەۋلٸكتٸك كەزەكشٸلٸكتٸڭ ۇيىمداستىرىلۋىن قارادى, دەپ حابارلايدى قر قورعانىس مينيسترلٸگٸنٸڭ باسپاسٶز قىزمەتٸ.
قورعانىس مينيسترٸنٸڭ نۇسقاۋىمەن جاۋىنگەرلٸك ەسەپتوپ قۇرامىنىڭ كەزەكشٸ كٷشتەرٸ جاۋىنگەرلٸك دايارلىققا كەلتٸرٸلدٸ.
ەسكەردەگٸ جاعدايعا جاۋاپتىلار بەلگٸلەنگەن مەرزٸمدە ەلدٸڭ ەۋە كەڭٸستٸگٸن قورعاۋ جٶنٸندەگٸ مٸندەتتەردٸ ورىندايتىن جەكە قۇرامنىڭ, قارۋ-جاراق پەن ەسكەري تەحنيكانىڭ ەزٸر ەكەنٸن باياندادى.
بۇدان ٶزگە, كەزەكشٸ كٷشتەردٸڭ ٶرتكە قارسى قاۋٸپسٸزدٸك, ٶرتتٸ شارتتى تٷردە انىقتاۋ مەن وقشاۋلاۋ ٸس-قيمىلىن ۇيىمداستىرۋ بارىسىن تەكسەردٸ.
اتالعان تەكسەرٸس جەكە قۇرامنىڭ جوعارى قىراعىلىق دەڭگەيٸن, كەزەكشٸ كٷشتەر مەن ەۋە شابۋىلىنا قارسى قورعانىس قۇرالدارىنىڭ جاۋىنگەرلٸك مٸندەتتەردٸ ورىنداۋعا دايىن ەكەنٸن كٶرسەتتٸ.
