- Koreialyq Kookmin Bank qazaqstandyq «Tsentrkredit» (BTsK) bankindegi óz úlesin satýǵa nietti, dep habarlaidy The Korea Times.
Basylymnyń habarlaýynsha, jeksenbi kúni koreialyq bank osy aptada Qazaqstanda ótetin direktorlar keńesinde «Tsentrkredit» bankindegi aktsiialaryn satý jóninde kelissózder júrgizetinin rastaǵan.
Kookmin Bank (Kýkmin bank) - aktivter kólemi men naryqtyq kapitaldandyrý boiynsha Ońtústik Koreianyń iri bankteriniń biri. BTsK Kookmin Bank úlesi 41,9% quraidy. BTsK 41,9-paiyzdyq úlesin koreialyq bank 2008 jyly 939,2 mlrd vonǵa satyp alǵan. Búkilálemdik bank tobyna kiretin IFC halyqaralyq qarjy korporatsiiasy birlesken investor retinde mámilege qatysty. Korporatsiia BTsK-nyń 10-paiyzdyq úlesine ie.
2010 jyly 19 tamyzda Koreia qarjylyq baqylaý qyzmeti Kookmin Bank basshylary men qyzmetkerlerine bankti basqarýda jiberilgen qatelikter men keltirilgen shyǵyndar úshin aiyppul saldy. Atap aitqanda, Kookmin Bank 2008 jyly - jahandyq daǵdarys kezinde BTsK aktsiialaryn satyp alǵany úshin aiyptaldy.
Sonyń saldarynan banktiń birinshi jetekshisi Kang Chýng Von 2010 jyly óz laýazymynan bosatyldy.
BTsK Qazaqstannyń bank sektorynda úzdik oiynshylardyń bestigine enedi.
«Álemdik qarjylyq daǵdarys ipotekalyq bizneske belsene aralasqan bankke óz zalalyn tigizbei qoimady. 2014 jyly Qazaqstandaǵy teńge devalvatsiiasynan keiin Kýkmin banktiń BTsK aktsiialarynyń quny odan ári quldyrai tústi», - delingen maqalada.
