Koreialyq klinika shyǵysqazaqstandyq 6 jasar Bogdan Ýnranyń em-domyna jumsalǵan qaryzdy tolyq qaitarýdy talap etip otyr, dep habarlaidy QazAqparat tilshisi.
«Qazirgi tańda balanyń ata-anasy somanyń jartysyn jinaǵan. Konsýl áli kúnge deiin klinikanyń basshylyǵymen kelissóz júrgizip jatqanymen, ázirge eshqandai nátije bolmai tur. Klinika óz degeninen qaitatyn emes. Bizdiń málimetke sáikes, bala ol jerge kóktemde túsken, al tamyzda sol jerde jansaqtaý bólimine aýystyrylǵan. Jansaqtaý bólimindegi ár kún 5 myń dollar dep eseptelgen. Mine, sondyqtan aqyrǵy soma kóp shyǵyp ketken», - dedi QR SIM resmi ókili Aibek Smadiiarov búgingi brifing barysynda tilshilerdiń suraǵyna jaýap bere otyryp.
Aita ketsek, Shyǵys Qazaqstan oblysy Belaǵash aýylynan alty jasar Bogdan Ýnra bir jyl boiy onkologiialyq aýrýdan emdelip, 23 qyrkúiekte kóz jumǵan bolatyn. Qaryz bolǵandyqtan Seýl klinikasy ata-anasyna balanyń denesin bermei otyr.
25 qyrkúiekte balanyń ákesi Seýldegi Qazaqstan elshiligine júginip, zańgerlik keńes alǵan jáne balasynyń syrqatyna jumsalǵan aýqymdy qaryzdy óteýge kómek suraǵan.
Kóz jumǵan balanyń ata-anasy áli kúnge deiin qarajat jinaý ústinde.
