«Nur Otan» partiiasy tóraǵasynyń birinshi orynbasary Máýlen Áshimbaev Jambyl oblysynda oryn alǵan iri jol apatynda kóz jumǵan marqumdardyń otbasyna kóńil aitty, dep habarlaidy "Ult aqparat".
«Jambyl oblysyndaǵy iri jol apaty týraly sýyt habar meniń de kóńilimdi qulazytyp jiberdi. Osyǵan bailanysty ózimniń jáne «Nur Otan» partiiasynyń atynan apat saldarynan qaza bolǵandardyń otbasy men týǵan-týystaryna qaiǵysyna ortaqtasyp, kóńil aitamyn. Sondai-aq zardap shekkenderdiń tezirek saýyǵyp ketýine tilektestigimdi bildiremin», - dep jazdy Máýlen Áshimbaev Feisbýktaǵy paraqshasynda.
Onyń aitýynsha, qazirgi tańda osy oqiǵaǵa qatysty arnaiy komissiia qurylyp, oblystyq ákimdik tarapynan shuǵyl túrde tiisti jumystar júzege asyrylyp jatyr.
«Bul jumystarǵa «Nur Otan» partiiasy da belsene aralasyp, qajetti sharalardy qolǵa aldy», - deidi partiia tóraǵasynyń orynbasary.
