«Nur Otan» پارتيياسى تٶراعاسىنىڭ بٸرٸنشٸ ورىنباسارى مەۋلەن ەشٸمباەۆ جامبىل وبلىسىندا ورىن العان ٸرٸ جول اپاتىندا كٶز جۇمعان مارقۇمداردىڭ وتباسىنا كٶڭٸل ايتتى, دەپ حابارلايدى "ۇلت اقپارات".
«جامبىل وبلىسىنداعى ٸرٸ جول اپاتى تۋرالى سۋىت حابار مەنٸڭ دە كٶڭٸلٸمدٸ قۇلازىتىپ جٸبەردٸ. وسىعان بايلانىستى ٶزٸمنٸڭ جەنە «Nur Otan» پارتيياسىنىڭ اتىنان اپات سالدارىنان قازا بولعانداردىڭ وتباسى مەن تۋعان-تۋىستارىنا قايعىسىنا ورتاقتاسىپ, كٶڭٸل ايتامىن. سونداي-اق زارداپ شەككەندەردٸڭ تەزٸرەك ساۋىعىپ كەتۋٸنە تٸلەكتەستٸگٸمدٸ بٸلدٸرەمٸن», - دەپ جازدى مەۋلەن ەشٸمباەۆ فەيسبۋكتاعى پاراقشاسىندا.
ونىڭ ايتۋىنشا, قازٸرگٸ تاڭدا وسى وقيعاعا قاتىستى ارنايى كوميسسييا قۇرىلىپ, وبلىستىق ەكٸمدٸك تاراپىنان شۇعىل تٷردە تيٸستٸ جۇمىستار جٷزەگە اسىرىلىپ جاتىر.
«بۇل جۇمىستارعا «Nur Otan» پارتيياسى دا بەلسەنە ارالاسىپ, قاجەتتٸ شارالاردى قولعا الدى», - دەيدٸ پارتييا تٶراعاسىنىڭ ورىنباسارى.
