Qazaqstan Prezidenti Qasym-Jomart Toqaev Qordaidaǵy jol apatynan qaza tapqandardyń jaqyndaryna kóńil aitty, dep habarlaidy "Ult aqparat" Prezidenttiń Tvitterdegi paraqshasyna silteme jasap.
«Qordai tas jolynda bolǵan iri jol apatynan 11 adam kóz jumdy. Arasynda Ózbekstan azamattary da bar. Marqumdardyń týǵan-týystaryna qaiǵyryp kóńil aitamyn. Ózbekstan Respýblikasynyń Prezidentine jedelxat jiberdim. Bizdiń joldarymyzdyń axýaly úlken alańdaýshylyq týǵyzyp otyr, IIM-de ótken keńeste osy máseleni aittym. Úkimetke shuǵyl túrde sharalar qabyldaýdy tapsyrdym», - dep jazady Qasym-Jomart Toqaev.
Aita keteiik, tragediia búgin saǵat 05:00-de Almaty-Tashkent tasjolynyń 181 kilometrinde boldy. Apat saldarynan oqiǵa ornynda segiz adam kóz jumdy, 32 adam aýrýhanaǵa jetkizildi, alǵan jaraqatynan taǵy úsh adam jan tapsyrdy.
Jol-kólik oqiǵasy faktisi boiynsha Qazaqstan Respýblikasynyń Qylmystyq kodeksiniń 345-babynyń tórtinshi bóligine (eki nemese odan kóp adamnyń ólimine ákep soqqan jol qozǵalysy erejelerin buzý) sáikes aldyn ala tergeý bastaldy.
Ishki ister ministriniń tapsyrmasy boiynsha IIIM men oblystyq politsiia departamenti qyzmetkerlerinen jedel tergeý toby quryldy. Tergeý barysynda sot saraptamalarynyń qorytyndysy eskerile otyryp kólik júrgizýshileriniń kinási anyqtalady.
