Qytailyq investorlar Shymkenttegi quqyq qorǵaý organdarynyń áreketine narazy Qytailyq investorlar Shymkenttegi quqyq qorǵaý organdarynyń áreketine narazy Tanymal depýtat plastikalyq operatsiiadan keiin kóz jumdy Tanymal depýtat plastikalyq operatsiiadan keiin kóz jumdy
Qylmys

Qordaidaǵy qaqtyǵys: úsh kúdiktige qatysty sot úkimi shyqty

Ult portaly
Qordaidaǵy qaqtyǵys: úsh kúdiktige qatysty sot úkimi shyqty


Jambyl oblysynyń qylmystyq ister jónindegi mamandandyrylǵan aýdanaralyq soty Qordaida bolǵan jappai tártipsizdikke qatysqan úsh aiyptalýshyǵa úkim shyǵardy, dep habarlaidy "Ult aqparat".

Sot 2020 jylǵy 7-8 aqpanda Jambyl oblysy Qordai aýdany Masanshy, Bular batyr jáne Aýqatty aýyldarynyń aýmaǵynda jappai tártipsizdik oryn alǵanyn, oǵan zorlyq-zombylyq, órteý, qiratý, atys qarýyn, jarylǵysh zattardy qoldaný, sondai-aq quqyq qorǵaý organdaryna qarýly qarsylyq kórsetý sebep bolǵanyn anyqtady.

Aiyptalýshy úsh er adamnyń bireýi tártipsizdikterge qatysqany jáne urlyq jasaǵany úshin sottaldy. Ekinshisi - tártipsizdikterge qatysqany, tonaý, qaraqshylyq shabýyl, memlekettik shekarany qasaqana zańsyz kesip ótkeni úshin sottaldy. Úshinshisi - jappai tártipsizdikke qatysqany úshin, eki jáne odan da kóp adamdy óltirgeni úshin sottaldy.

"Sottalǵandar kinási is boiynsha jinalǵan dáleldemelermen: jábirlenýshiler men kýágerlerdiń, onyń ishinde qaýipsizdik sharalaryn qoldana otyryp jaýap alynǵandardyń aiǵaqtarymen; sot-meditsinalyq jáne basqa saraptamalardyń qorytyndylarymen; oqiǵa bolǵan jerdi qaraý hattamalarymen, olardyń aiǵaqtaryn tekserý jáne naqtylaý, bettestirý hattamalarymen jáne zattai dáleldemelermen dáleldendi", - delingen habarlamada. 

Sottalýshylardyń biri 6 jylǵa bas bostandyǵynan aiyryldy, ekinshisine - 11 jyl, úshinshisine 18 jyl bas bostandyǵynan aiyrý túrindegi jazasy taǵaiyndaldy.

Eske sala keteiik, Jambyl oblysynyń Qordai aýdanynda 7 aqpanǵa qaraǵan túni jappai tóbeles bastaldy. Qaiǵyly oqiǵa saldarynan on bir adam qaza boldy.

Sondai-aq órttiń kesirinen turǵyn úiler men kommertsiialyq nysandar, sondai-aq avtokólikter búlindi.

Keiinnen 120-dan astam qylmystyq is tergelip jatqandyǵy belgili boldy. 1 naýryzda Prezident Qasym-Jomart Toqaev Qordai aýdanynda bolyp, jergilikti turǵyndarmen kezdesti.

Oqi otyryńyz