جامبىل وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى قوردايدا بولعان جاپپاي تەرتٸپسٸزدٸككە قاتىسقان ٷش ايىپتالۋشىعا ٷكٸم شىعاردى, دەپ حابارلايدى "ۇلت اقپارات".
سوت 2020 جىلعى 7-8 اقپاندا جامبىل وبلىسى قورداي اۋدانى ماسانشى, بۇلار باتىر جەنە اۋقاتتى اۋىلدارىنىڭ اۋماعىندا جاپپاي تەرتٸپسٸزدٸك ورىن العانىن, وعان زورلىق-زومبىلىق, ٶرتەۋ, قيراتۋ, اتىس قارۋىن, جارىلعىش زاتتاردى قولدانۋ, سونداي-اق قۇقىق قورعاۋ ورگاندارىنا قارۋلى قارسىلىق كٶرسەتۋ سەبەپ بولعانىن انىقتادى.
ەسكە سالا كەتەيٸك, جامبىل وبلىسىنىڭ قورداي اۋدانىندا 7 اقپانعا قاراعان تٷنٸ جاپپاي تٶبەلەس باستالدى. قايعىلى وقيعا سالدارىنان ون بٸر ادام قازا بولدى.
سونداي-اق ٶرتتٸڭ كەسٸرٸنەن تۇرعىن ٷيلەر مەن كوممەرتسييالىق نىساندار, سونداي-اق اۆتوكٶلٸكتەر بٷلٸندٸ.
كەيٸننەن 120-دان استام قىلمىستىق ٸس تەرگەلٸپ جاتقاندىعى بەلگٸلٸ بولدى. 1 ناۋرىزدا پرەزيدەنت قاسىم-جومارت توقاەۆ قورداي اۋدانىندا بولىپ, جەرگٸلٸكتٸ تۇرعىندارمەن كەزدەستٸ.
