Memleket basshysy Qasym-Jomart Toqaevtyń tapsyrmasyn oryndaý maqsatynda QR Premer-Ministri Asqar Maminniń ókimimen Jambyl oblysynyń Qordai aýdanyndaǵy oqiǵa saldaryn joiý jónindegi Úkimet komissiiasy quryldy.
QR Premer-Ministriniń orynbasary B. Saparbaevtyń tóraǵalyǵymen qurylǵan Komissiia quramyna Jambyl oblysynyń ákimi A. Myrzahmetov, eńbek jáne halyqty áleýmettik qorǵaý ministri B. Nurymbetov, Qazaqstan halqy Assambleiasy tóraǵasynyń orynbasary J. Túimebaev, Parlament Májilisiniń depýtaty Sh. Hahazov jáne «Dúngen qazaqstandyq qoǵamy» qoǵamdyq birlestiginiń tóraǵasy A. Vointse men qarjy, indýstriia jáne infraqurylymdyq damý birinshi vitse-ministrleri, aqparat jáne qoǵamdyq damý, ulttyq ekonomika, densaýlyq saqtaý, bilim jáne ǵylym vitse-ministrleri, ishki ister, qorǵanys ministrleriniń orynbasarlary, Bas prokýror men Ulttyq qaýipsizdik komiteti tóraǵasynyń orynbasarlary kirdi.
Komissiia aldynda kikiljiń sebepterin anyqtaý, sondai-aq áleýmettik-ekonomikalyq jáne gýmanitarlyq sipattaǵy máselelerdi shuǵyl sheshýdi qamtamasyz etý, keltirilgen zalal kólemin baǵalaý mindetteri qoiyldy.
