Aqtóbede kópqabatty úiden shyqqan órt kezinde 200 adam qaýipsiz jerge kóshirildi. Órtti sóndirýge 7 tehnika men 37 adam jumyldyryldy, dep habarlaidy QazAqparat tilshisi.
«Oblystyq TJD saǵat 15:03-te habar tústi. Órt sóndirýshiler 15:11-de oqiǵa ornyna jetti. Al saǵat 15:50-de órt sóndirildi. Barlyǵy 200 adam qaýipsiz jerge shyǵaryldy, 3 adam órtten qutqaryldy. Órt sóndirýge 7 tehnika men 37 adam jumyldyryldy. Aldyn ala belgili bolǵany, zardap shekken eshkim joq», - dep habarlady oblys ákiminiń baspasóz qyzmeti.
Buǵan deiin habarlaǵanymyzdai, Aqtóbede 9 qabatty úi órtendi.
Órt shyǵyndaryn anyqtaý úshin arnaiy komissiia quryldy.
Jergilikti ákimdik órt kezinde zardap shekken otbasy múshelerine qajetti kómek beretin boldy. Qazir oqiǵa ornynda ishki ister organdary, prokýratýra men tótenshe jaǵdailar qyzmeti, jergilikti ákimdik ókilderi júr.
