Áleýmettik jelide taraǵan balaǵatqa toly aýdiojazbadaǵy daýys senator Birǵanym Áitimovaniki emes. Bul jaiynda QR Ishki ister ministriniń keńesshisi - resmi ókil Nurdildá Oraz aitty, dep habarlaidy "Ult aqparat".
Onyń atap ótýinshe, Nur-Sultan qalalyq politsiia departamentine QR Parlamenti Senatynyń depýtaty B.Áitimova óziniń daýysyn, sýreti men qyzmetin kórsetý arqyly áleýmettik jelide kópbalaly analardyń járdemaqysy jóninde jalǵan aqparattyń taraýyna qatysty shaǵym túsirgen. Osyǵan orai departament QR QK 274-baby boiynsha sotqa deiingi tergeý amaldaryn júrgizip jatyr.
«Saraptama qorytyndysyna sáikes taratylǵan aýdiojazbadaǵy daýys QR Parlamenti Senatynyń depýtaty B.Áitimovaniki emes. Qasaqana jalǵan aqparat taratqan tulǵany anyqtaý týraly shaǵym túsýine bailanysty tergeý organdary kinálilerdi anyqtaý jáne olardy jaýapkershilikke tartý boiynsha barlyq sharany qabyldap jatyr», - dedi N.Oraz.
