2021 jyly teleólshem onlain túrde qoljetimdi bolady. Bul týraly Aqparat jáne qoǵamdyq damý vitse-ministri Kemelbek Oishybaev málim etti, dep habarlaidy QazAqparat.
Onyń aitýynsha, aqparattandyrý jumysymen qatar, ministrlik BAQ salasyn damytý boiynsha tiisti sharalardy qabyldap jatyr. Onyń ishinde otandyq telearnalardy sheteldegi qandastarymyzǵa jetkizý, kontenttiń sapasyn arttyrý, otandyq arnalardyń tehnikasyn jańartý qamtylǵan.
«Egemen Qazaqstan» jáne «Kazahstanskaia pravda» aktsionerlik qoǵamdary biriktirildi. Barlyq shara aiaqtalǵannan keiin, 2021 jyly memlekettik basylymdar «Qazaq gazetteri» brendine biriktiriledi, - dep toqtaldy vitse-ministr vedomstvonyń keńeitilgen alqa májilisinde.
Kemelbek Oishybaevtyń sózine qaraǵanda, «KazakhTV» telearnasyn shetelge taratý aiasynda 2020 jyly jańa 8 memleket operatoryna qosyldy. Onyń arasynda Grýziia, Germaniia, Resei siiaqty elder bar. Jalpy, osy keńeitýdiń arqasynda «KazakhTV» 47 memlekette taralyp otyr.
Budan bólek ol televiziia salasynda syn aitylyp kele jatqan teleólshem baǵytynda ózgertýler júrgizilgenin aitty. Jasalǵan jumystardyń arqasynda 2021 jyly teleólshem onlain túrde qoljetimdi bolady jáne jańa tehnologiiamen júrgiziledi.
Senatorlar diplomatiialyq qyzmetti jetildirý máselelerin talqylady.
