Foto: inbusiness.kz
Elimizge bólshektelip ákelingen jáne qurastyrylǵan avtokólikter zańdastyrylady. Bul týraly Ishki ister ministri Marat Ahmetjanov málimdedi, dep habarlaidy "Ult aqparat".
«2014 jyly jol erejesi týraly zańǵa ózgerister engizildi. Sol jerde Qazaqstanda ondai avtokólikterdiń júrýine tyiym salynǵan. 2015 jyly Eýraziia ekonomikalyq odaǵy aiasynda da mundai avtokólikter qozǵalysyna tyiym salyndy. Biraq Prezidenttiń tapsyrmasy bolǵasyn ony zańdastyryp beremiz. Degenmen ony erteń basqa bireýge satýǵa tyiym salamyz», - dedi ministr Úkimet kýlýarynda.
Onyń sózinshe, qazir mundai sanatqa jatatyn 1,5 myń kólik bar.
«Olardyń báriniń jol qaýipsizdigine tehnikalyq sertifikatyn qaraimyz. Eger qaýipsiz bolsa, zańdastyryp beremiz», - dedi Ahmetjanov.
Aita keteiik, Qazaqstanda 23 qańtardan bastap sheteldik kólikterdi zańdastyrý bastaldy. 2022 jyldyń 1 qyrkúiegine deiin Qazaqstan azamattary elge ákelgen sheteldik jeńil kólikterdi, shaǵyn jáne orta kólemdi avtobýstardy, shaǵyn júk kólikterin, basqarý jabdyqtary oń jaqta ornalasqan kólikterdi zańdastyra alady.
