Foto: pixabay.com
Ákimshilik politsiia komitetiniń tóraǵasy Qaisar Sultanbaev "konstrýktor" kólikterdi zańdastyrý týraly Úkimet qaýlysy qashan qabyldanatynyn aitty, dep habarlady Sputnik Qazaqstan.
"Ishki ister ministrligi qosalqy bólshekter retinde ákelingen avtokólikterdi zańdastyrý sharttaryn aiqyndaityn Úkimet qaýlysynyń jobasyn ázirledi. Atalǵan joba jariia talqylaýdan ótti. Qazir biz olardy (halyq tarapynan túsken pikirler men usynystardy – red.) qorytyndylap bolǵannan keiin memlekettik organdarǵa túpkilikti kelisýge jiberemiz. Odan keiin Úkimetke engizemiz", - dedi Sultanbaev Ishki ister ministrliginde ótken brifingte.
Buǵan deiin Ishki ister ministri Marat Ahmetjanov ta "konstrýktor" kólikterdiń zańdastyrylatynyn aitqan. Onyń málimetinshe, "konstrýktor" kólikterdi zańdastyrý boiynsha vedomstvoǵa 1,5 myń ótinish túsken.
"Olar tehnikalyq sertifikattaýdan ótedi. Eger qaýipsiz bolsa, zańdastyryp beremiz", - dedi ministr Úkimet kýlýarynda.
