Foto: zhumabek_zhanykulov / instagram.com
Belgili kásipker Jumabek Janyqulov eldegi Konstitýtsiialyq reformanyń mańyzdylyǵyna toqtalyp, bul bastamany ýaqyt talabynan týyndaǵan qajetti qadam retinde baǵalady. Onyń aitýynsha, qoǵam damyǵan saiyn memlekettik basqarý júiesi men negizgi zań da zaman aǵymyna sai jańaryp otyrýy tiis. Ásirese kúrdeli geosaiasi jaǵdaida strategiialyq sheshimderdi halyqpen keńese otyryp qabyldaý – bilik pen qoǵam arasyndaǵy senimdi nyǵaitatyn mańyzdy tetik. Bul týraly Ult.kz habarlaidy.
Janyqulov referendýmdy tek quqyqtyq rásim emes, memleket pen azamattar arasyndaǵy ashyq dialog alańy retinde qarastyrý kerektigin atap ótti. Ol Konstitýtsiia árbir azamatqa túsinikti, el damýyna baǵdar bolatyn qujatqa ainalýy qajet ekenin aityp, reformanyń el birligin kúsheitýge qyzmet etýi tiis ekenin jetkizdi.
"Konstitýtsiialyq reforma kerek pe? Iá, kerek. Sebebi ýaqyt ózgeredi, syn-qater ózgeredi, qoǵam da ózgeredi. Al eldiń basty zańy zamanǵa sai bolýy tiis.
Halyqpen onlain talqylap, ár usynysty saralap, sońǵy sheshimdi referendým arqyly qabyldaý bul Prezidentimizdiń saiasi batyldyǵy. Bul jaýapkershilikti halyqpen bólisý. El taǵdyryn kabinette emes, qoǵammen birge sheshý.
Búgingi kúrdeli geosaiasi jaǵdaida strategiialyq sheshimderdi kópshilikpen aqyldasyp qabyldaý álsizdik emes, kerisinshe kemeldik. Qaǵammen árdaiym dialogta bolý Prezidentimizdiń basty artyqshylyǵy!
Konstitýtsiia zańgerlerdiń ǵana tilimen jazylǵan qujat emes. Ol ár azamat oqyp, túsinetin, baǵyt alatyn shamshyraq bolýy kerek. Halyq túsinbegen zań jumys istemeidi.
Bizneske ne kerek? Turaqtylyq. Ashyq ári túsinikti ereje. Ádil oiyn alańy. Sonda ǵana investitsiia keledi, sonda ǵana damý bolady.
Referendým tek daýys berý emes. Bul elmen sóilesý múmkindigi. Osy naýqandy paidalanyp, óńir men qala basshylary da mańyzdy sheshimderin halyqpen aqyldasyp alsa utarymyz kóp, shyǵyn az. Halyq qatysqan sheshim berik sheshim.
Myqty memleket halyqpen bailanysyn úzbegen memleket.
Zań qaǵazda emes, senimde ómir súrgende ǵana kúshti.
Bastysy referendýmdy halyqty bir baǵytta biriktiretin is shara dep taný kerek!", - dep jazdy kásipker óziniń áleýmettik jelidegi paraqshasynda.
