فوتو: zhumabek_zhanykulov / instagram.com
بەلگٸلٸ كەسٸپكەر جۇمابەك جانىقۇلوۆ ەلدەگٸ كونستيتۋتسييالىق رەفورمانىڭ ماڭىزدىلىعىنا توقتالىپ, بۇل باستامانى ۋاقىت تالابىنان تۋىنداعان قاجەتتٸ قادام رەتٸندە باعالادى. ونىڭ ايتۋىنشا, قوعام دامىعان سايىن مەملەكەتتٸك باسقارۋ جٷيەسٸ مەن نەگٸزگٸ زاڭ دا زامان اعىمىنا ساي جاڭارىپ وتىرۋى تيٸس. ەسٸرەسە كٷردەلٸ گەوساياسي جاعدايدا ستراتەگييالىق شەشٸمدەردٸ حالىقپەن كەڭەسە وتىرىپ قابىلداۋ – بيلٸك پەن قوعام اراسىنداعى سەنٸمدٸ نىعايتاتىن ماڭىزدى تەتٸك. بۇل تۋرالى Ult.kz حابارلايدى.
جانىقۇلوۆ رەفەرەندۋمدى تەك قۇقىقتىق رەسٸم ەمەس, مەملەكەت پەن ازاماتتار اراسىنداعى اشىق ديالوگ الاڭى رەتٸندە قاراستىرۋ كەرەكتٸگٸن اتاپ ٶتتٸ. ول كونستيتۋتسييا ەربٸر ازاماتقا تٷسٸنٸكتٸ, ەل دامۋىنا باعدار بولاتىن قۇجاتقا اينالۋى قاجەت ەكەنٸن ايتىپ, رەفورمانىڭ ەل بٸرلٸگٸن كٷشەيتۋگە قىزمەت ەتۋٸ تيٸس ەكەنٸن جەتكٸزدٸ.
"كونستيتۋتسييالىق رەفورما كەرەك پە? يە, كەرەك. سەبەبٸ ۋاقىت ٶزگەرەدٸ, سىن-قاتەر ٶزگەرەدٸ, قوعام دا ٶزگەرەدٸ. ال ەلدٸڭ باستى زاڭى زامانعا ساي بولۋى تيٸس.
حالىقپەن ونلاين تالقىلاپ, ەر ۇسىنىستى سارالاپ, سوڭعى شەشٸمدٸ رەفەرەندۋم ارقىلى قابىلداۋ بۇل پرەزيدەنتٸمٸزدٸڭ ساياسي باتىلدىعى. بۇل جاۋاپكەرشٸلٸكتٸ حالىقپەن بٶلٸسۋ. ەل تاعدىرىن كابينەتتە ەمەس, قوعاممەن بٸرگە شەشۋ.
بٷگٸنگٸ كٷردەلٸ گەوساياسي جاعدايدا ستراتەگييالىق شەشٸمدەردٸ كٶپشٸلٸكپەن اقىلداسىپ قابىلداۋ ەلسٸزدٸك ەمەس, كەرٸسٸنشە كەمەلدٸك. قاعاممەن ەردايىم ديالوگتا بولۋ پرەزيدەنتٸمٸزدٸڭ باستى ارتىقشىلىعى!
كونستيتۋتسييا زاڭگەرلەردٸڭ عانا تٸلٸمەن جازىلعان قۇجات ەمەس. ول ەر ازامات وقىپ, تٷسٸنەتٸن, باعىت الاتىن شامشىراق بولۋى كەرەك. حالىق تٷسٸنبەگەن زاڭ جۇمىس ٸستەمەيدٸ.
بيزنەسكە نە كەرەك? تۇراقتىلىق. اشىق ەرٸ تٷسٸنٸكتٸ ەرەجە. ەدٸل ويىن الاڭى. سوندا عانا ينۆەستيتسييا كەلەدٸ, سوندا عانا دامۋ بولادى.
رەفەرەندۋم تەك داۋىس بەرۋ ەمەس. بۇل ەلمەن سٶيلەسۋ مٷمكٸندٸگٸ. وسى ناۋقاندى پايدالانىپ, ٶڭٸر مەن قالا باسشىلارى دا ماڭىزدى شەشٸمدەرٸن حالىقپەن اقىلداسىپ السا ۇتارىمىز كٶپ, شىعىن از. حالىق قاتىسقان شەشٸم بەرٸك شەشٸم.
مىقتى مەملەكەت حالىقپەن بايلانىسىن ٷزبەگەن مەملەكەت.
زاڭ قاعازدا ەمەس, سەنٸمدە ٶمٸر سٷرگەندە عانا كٷشتٸ.
باستىسى رەفەرەندۋمدى حالىقتى بٸر باعىتتا بٸرٸكتٸرەتٸن ٸس شارا دەپ تانۋ كەرەك!", - دەپ جازدى كەسٸپكەر ٶزٸنٸڭ ەلەۋمەتتٸك جەلٸدەگٸ پاراقشاسىندا.
