QR Prezidentiniń ótinishi boiynsha Konstitýtsiialyq Keńes Respýblika Konstitýtsiiasynyń ólim jazasyn qoldaný máselelerin reglamentteitin erejelerine túsindirme berdi, dep habarlaidy "Ult aqparat".
Memleket basshysynyń ótinishi Qazaqstannyń Ólim jazasynyń kúshin joiýǵa baǵyttalǵan Azamattyq jáne saiasi quqyqtar týraly halyqaralyq paktige ekinshi Fakýltativtik hattamany (budan ári - Fakýltativtik hattama) aldaǵy ýaqytta ratifikatsiialaýymen bailanysty boldy. Ótinishte Respýblika Konstitýtsiiasy erejeleriniń jáne Fakýltativtik hattamanyń eń aýyr jazany qoldaný máselelerin retteitin normalarynyń araqatynasy týraly másele qoiyldy.
Konstitýtsiialyq Keńes Fakýltativtik hattamany ratifikatsiialaý úshin Negizgi Zańǵa túzetýler engizýdiń qajeti joq dep sheshti.
Bul rette, Keńes Konstitýtsiiaǵa jáne jalpyǵa birdei tanylǵan halyqaralyq aktilerge sáikes ómir súrý quqyǵy demokratiialyq qoǵamnyń negizgi qundylyǵy bolyp tabylatynyn jáne memleket barlyq adamdar úshin osy quqyqty júzege asyrýǵa kepildik berýge mindetti ekenin atap ótti.
Álemdik qoǵamdastyqtyń teń quqyqty múshesi retinde Qazaqstan alǵashqy kezden bastap qylmystyq zańnamada ólim jazasynyń kúshin joiý úrdisin eskerip keledi jáne osy jyldar ishinde elde eń aýyr jazany qoldanbaýdyń ornyqty quqyqtyq rejimi qalyptasty.
Osy baǵytty dáiekti iske asyrýdaǵy kezekti kezeńdi Qazaqstan Respýblikasynyń 2020 jylǵy 23 qyrkúiekte atalǵan Fakýltativtik hattamaǵa qol qoiýy ashty.
Qazaqstan Konstitýtsiiasynda adamdardyń qaza bolýymen bailanysty terroristik qylmystar jasaǵany úshin, sondai-aq soǵys ýaqytynda erekshe aýyr qylmystar jasaǵany úshin ólim jazasyn belgileýge jol beriletinin nazarǵa ala otyryp, Keńes ólim jazasynyń kúshin joiý týraly halyqaralyq shartty ratifikatsiialaý Respýblika Parlamentiniń quzyretine kiretinin atap ótti. Bul rette, Negizgi Zańda osy qylmystar úshin qylmystyq zańda ólim jazasyn belgileý nemese odan bas tartý, olardyń sheńberin qysqartý týraly máseleni Parlamenttiń qaraýyna qaldyrylady. Zań shyǵarýshy ólim jazasynyń kúshin ulttyq zańnamaǵa tiisti túzetýler engizý arqyly ǵana emes, sondai-aq jazanyń osy túri belgilenýi múmkin qylmystardy joiýdy nemese olardyń sanyn shekteýdi kózdeitin halyqaralyq shartty ratifikatsiialaý arqyly da joia alady.
Keńes óz sheshiminde Konstitýtsiia Fakýltativtik hattamany ratifikatsiialaýǵa kedergi bolmaitynyn atap ótti. Fakýltativtik hattama ratifikatsiialanǵannan keiin Qazaqstan Respýblikasynyń Qylmystyq kodeksi onyń talaptaryna sáikes keltirilýi tiis.
Konstitýtsiialyq Keńes qaýlysynyń tolyq mátini baspasózde jáne Keńes saitynda jariialanady.
Eske salaiyq, 23 qyrkúiekte Birikken Ulttar Uiymynyń shtab-páterinde Qazaqstannyń BUU janyndaǵy Turaqty ókili Qairat Omarov ólim jazasyn joiýǵa baǵyttalǵan Azamattyq jáne saiasi quqyqtar týraly halyqaralyq paktiniń ekinshi Fakýltativtik hattamasyna qol qoidy.
Sol kúni ólim jazasyn joiý týraly halyqaralyq Hattamaǵa qosylý týraly sheshimdi Qazaqstan Prezidenti Qasym-Jomart Toqaev BUU Bas Assambleiasynyń 75-shi mereitoilyq sessiiasynyń jalpy saiasi pikirtalas barasynda sóilegen sózinde jariialady.
