قر پرەزيدەنتٸنٸڭ ٶتٸنٸشٸ بويىنشا كونستيتۋتسييالىق كەڭەس رەسپۋبليكا كونستيتۋتسيياسىنىڭ ٶلٸم جازاسىن قولدانۋ مەسەلەلەرٸن رەگلامەنتتەيتٸن ەرەجەلەرٸنە تٷسٸندٸرمە بەردٸ, دەپ حابارلايدى "ۇلت اقپارات".
مەملەكەت باسشىسىنىڭ ٶتٸنٸشٸ قازاقستاننىڭ ٶلٸم جازاسىنىڭ كٷشٸن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتامانى (بۇدان ەرٸ - فاكۋلتاتيۆتٸك حاتتاما) الداعى ۋاقىتتا راتيفيكاتسييالاۋىمەن بايلانىستى بولدى. ٶتٸنٸشتە رەسپۋبليكا كونستيتۋتسيياسى ەرەجەلەرٸنٸڭ جەنە فاكۋلتاتيۆتٸك حاتتامانىڭ ەڭ اۋىر جازانى قولدانۋ مەسەلەلەرٸن رەتتەيتٸن نورمالارىنىڭ اراقاتىناسى تۋرالى مەسەلە قويىلدى.
كونستيتۋتسييالىق كەڭەس فاكۋلتاتيۆتٸك حاتتامانى راتيفيكاتسييالاۋ ٷشٸن نەگٸزگٸ زاڭعا تٷزەتۋلەر ەنگٸزۋدٸڭ قاجەتٸ جوق دەپ شەشتٸ.
بۇل رەتتە, كەڭەس كونستيتۋتسيياعا جەنە جالپىعا بٸردەي تانىلعان حالىقارالىق اكتٸلەرگە سەيكەس ٶمٸر سٷرۋ قۇقىعى دەموكراتييالىق قوعامنىڭ نەگٸزگٸ قۇندىلىعى بولىپ تابىلاتىنىن جەنە مەملەكەت بارلىق ادامدار ٷشٸن وسى قۇقىقتى جٷزەگە اسىرۋعا كەپٸلدٸك بەرۋگە مٸندەتتٸ ەكەنٸن اتاپ ٶتتٸ.
ەلەمدٸك قوعامداستىقتىڭ تەڭ قۇقىقتى مٷشەسٸ رەتٸندە قازاقستان العاشقى كەزدەن باستاپ قىلمىستىق زاڭنامادا ٶلٸم جازاسىنىڭ كٷشٸن جويۋ ٷردٸسٸن ەسكەرٸپ كەلەدٸ جەنە وسى جىلدار ٸشٸندە ەلدە ەڭ اۋىر جازانى قولدانباۋدىڭ ورنىقتى قۇقىقتىق رەجيمٸ قالىپتاستى.
وسى باعىتتى دەيەكتٸ ٸسكە اسىرۋداعى كەزەكتٸ كەزەڭدٸ قازاقستان رەسپۋبليكاسىنىڭ 2020 جىلعى 23 قىركٷيەكتە اتالعان فاكۋلتاتيۆتٸك حاتتاماعا قول قويۋى اشتى.
قازاقستان كونستيتۋتسيياسىندا ادامداردىڭ قازا بولۋىمەن بايلانىستى تەرروريستٸك قىلمىستار جاساعانى ٷشٸن, سونداي-اق سوعىس ۋاقىتىندا ەرەكشە اۋىر قىلمىستار جاساعانى ٷشٸن ٶلٸم جازاسىن بەلگٸلەۋگە جول بەرٸلەتٸنٸن نازارعا الا وتىرىپ, كەڭەس ٶلٸم جازاسىنىڭ كٷشٸن جويۋ تۋرالى حالىقارالىق شارتتى راتيفيكاتسييالاۋ رەسپۋبليكا پارلامەنتٸنٸڭ قۇزىرەتٸنە كٸرەتٸنٸن اتاپ ٶتتٸ. بۇل رەتتە, نەگٸزگٸ زاڭدا وسى قىلمىستار ٷشٸن قىلمىستىق زاڭدا ٶلٸم جازاسىن بەلگٸلەۋ نەمەسە ودان باس تارتۋ, ولاردىڭ شەڭبەرٸن قىسقارتۋ تۋرالى مەسەلەنٸ پارلامەنتتٸڭ قاراۋىنا قالدىرىلادى. زاڭ شىعارۋشى ٶلٸم جازاسىنىڭ كٷشٸن ۇلتتىق زاڭناماعا تيٸستٸ تٷزەتۋلەر ەنگٸزۋ ارقىلى عانا ەمەس, سونداي-اق جازانىڭ وسى تٷرٸ بەلگٸلەنۋٸ مٷمكٸن قىلمىستاردى جويۋدى نەمەسە ولاردىڭ سانىن شەكتەۋدٸ كٶزدەيتٸن حالىقارالىق شارتتى راتيفيكاتسييالاۋ ارقىلى دا جويا الادى.
كەڭەس ٶز شەشٸمٸندە كونستيتۋتسييا فاكۋلتاتيۆتٸك حاتتامانى راتيفيكاتسييالاۋعا كەدەرگٸ بولمايتىنىن اتاپ ٶتتٸ. فاكۋلتاتيۆتٸك حاتتاما راتيفيكاتسييالانعاننان كەيٸن قازاقستان رەسپۋبليكاسىنىڭ قىلمىستىق كودەكسٸ ونىڭ تالاپتارىنا سەيكەس كەلتٸرٸلۋٸ تيٸس.
كونستيتۋتسييالىق كەڭەس قاۋلىسىنىڭ تولىق مەتٸنٸ باسپاسٶزدە جەنە كەڭەس سايتىندا جارييالانادى.
ەسكە سالايىق, 23 قىركٷيەكتە بٸرٸككەن ۇلتتار ۇيىمىنىڭ شتاب-پەتەرٸندە قازاقستاننىڭ بۇۇ جانىنداعى تۇراقتى ٶكٸلٸ قايرات وماروۆ ٶلٸم جازاسىن جويۋعا باعىتتالعان ازاماتتىق جەنە ساياسي قۇقىقتار تۋرالى حالىقارالىق پاكتٸنٸڭ ەكٸنشٸ فاكۋلتاتيۆتٸك حاتتاماسىنا قول قويدى.
سول كٷنٸ ٶلٸم جازاسىن جويۋ تۋرالى حالىقارالىق حاتتاماعا قوسىلۋ تۋرالى شەشٸمدٸ قازاقستان پرەزيدەنتٸ قاسىم-جومارت توقاەۆ بۇۇ باس اسسامبلەياسىنىڭ 75-شٸ مەرەيتويلىق سەسسيياسىنىڭ جالپى ساياسي پٸكٸرتالاس باراسىندا سٶيلەگەن سٶزٸندە جارييالادى.
