Foto: Konstitýtsiialyq sot baspasóz qyzmeti
Konstitýtsiialyq reformanyń aiasynda Ata Zańnyń preambýlasyn jańǵyrtý, onyń mazmunyn zaman talabyna sai qaita ózektendirý máselesin Parlament Májilisiniń depýtaty Únzila Shapaq kóterdi. Bul usynysyn ol Konstitýtsiialyq komissiianyń otyrysynda bildirip, óz oiymen bólisti, dep habarlaidy Ult.kz Konstitýtsiialyq sot baspasóz qyzmetine silteme jasap.
Depýtattyń pikirinshe, Konstitýtsiia preambýlasyn jańartý tek redaktsiialyq túzetý emes. Mundai ózgeris – ulttyq memlekettilikti nyǵaitatyn, eldiń ideialyq baǵdaryn aiqyndaityn mańyzdy qadam.
"Memleket basshysy da preambýlada ulttyq qundylyqtardy negizge alý qajettigin naqty atap ótti. Qazaq dalasynan bastaý alatyn órkeniet pen memlekettilik dástúriniń sabaqtastyǵyn aiqyn kórsetý, Qazaqstannyń Uly daladaǵy tarihi memleketterdiń murageri ekenin naqty beineleý mańyzdy ekenine erekshe mán berdi. Sondyqtan Konstitýtsiialyq reforma aiasynda kelip túsken barlyq usynystarǵa ústirt emes, baiyppen, tereń kózqaraspen qaraý – ortaq mindetimiz", – dedi Komissiia múshesi óz sózinde.
Konstitýtsiianyń preambýlasy – Negizgi Zańnyń ideialyq ári moraldyq irgetasy, sondai-aq Konstitýtsiiany qabyldaýdaǵy túpki maqsattardy aiqyndaidy, eldiń tarihi-mádeni bolmysyn, ulttyq kelbetin tanytady.
Osy oraida Únzila Shapaq ózgeristerge qatysty óz pikiri men oiyn aitty.
"Endigi biz usynatyn preambýla mátininde birneshe irgeli baǵyt aiqyn kórinis tabýǵa tiis. Eń áýeli, Qazaqstan ózin birtutas ult retinde tanytýy qajet. Bul – ulttyq biregeilikti kúsheitetin, barsha qazaqstandyqty ortaq maqsat pen jaýapkershilikke uiystyratyn basty ustanym. Preambýlada memlekettiń ýnitarlyq sipaty, shekaralardyń myzǵymastyǵy men aýmaqtyq tutastyqty saqtaý máselesine erekshe mán berilýge tiis. Qazirgi geosaiasi jaǵdaida bul qaǵidattar el egemendigin nyǵaitatyn sheshýshi faktorlar bolyp sanalady", – dedi depýtat.
Sondai-aq Únzila Shapaqtyń aitýynsha, «Ádiletti Qazaqstan» ideiasy men onyń ózegi sanalatyn «Zań men tártip» qaǵidatyn preambýla deńgeiinde bekitý memleket pen qoǵam damýynyń jańa filosofiiasyn aiqyndaidy.
"Búgin biz Konstitýtsiia týraly aitqanda tek bilik pen quqyqtyq normalardy ǵana emes, ulttyń bolashaq aldyndaǵy jaýapkershiligin de oilaýymyz kerek. Sondyqtan tabiǵatty aialaý, ekologiiamyzdy saqtaý ideiasy Konstitýtsiiada qoǵam men memlekettiń ortaq qundylyǵy retinde kórinis tabýǵa tiis. Mádeniet, Ádiletti Qazaqstannyń Konstitýtsiialyq negizi memlekettilik – tek zańdar men institýttar arqyly ǵana emes, ulttyq rýh pen mádeniet arqyly ornyǵady. Sondyqtan mádeniettiń jáne rýhani qundylyqtardyń róli Konstitýtsiiada aiqyn kórinis tabýǵa tiis. Dál osy mádeni negiz halyqty birtutas ultqa ainaldyryp, qoǵamdyq birlikti nyǵaitady. Mádenietti Konstitýtsiialyq deńgeide bekitý arqyly biz Ádiletti Qazaqstannyń tek quqyqtyq emes, órkenietti memleket ekenin naqtylaimyz. Sonymen birge mádeniet pen ónerge, ǵylym men bilimge, innovatsiiaǵa, tabiǵatty aialaýǵa, búgingi jáne keler urpaq aldyndaǵy jaýapkershilikke mán berilýi Konstitýtsiiany tek quqyqtyq emes, órkeniettik qujat deńgeiine kóteredi. Bul – memleket pen halyq arasyndaǵy jariia qoǵamdyq kelisimniń aiqyn kórinisi", – dedi ol.
