فوتو: كونستيتۋتسييالىق سوت باسپاسٶز قىزمەتٸ
كونستيتۋتسييالىق رەفورمانىڭ اياسىندا اتا زاڭنىڭ پرەامبۋلاسىن جاڭعىرتۋ, ونىڭ مازمۇنىن زامان تالابىنا ساي قايتا ٶزەكتەندٸرۋ مەسەلەسٸن پارلامەنت مەجٸلٸسٸنٸڭ دەپۋتاتى ٷنزيلا شاپاق كٶتەردٸ. بۇل ۇسىنىسىن ول كونستيتۋتسييالىق كوميسسييانىڭ وتىرىسىندا بٸلدٸرٸپ, ٶز ويىمەن بٶلٸستٸ, دەپ حابارلايدى Ult.kz كونستيتۋتسييالىق سوت باسپاسٶز قىزمەتٸنە سٸلتەمە جاساپ.
دەپۋتاتتىڭ پٸكٸرٸنشە, كونستيتۋتسييا پرەامبۋلاسىن جاڭارتۋ تەك رەداكتسييالىق تٷزەتۋ ەمەس. مۇنداي ٶزگەرٸس – ۇلتتىق مەملەكەتتٸلٸكتٸ نىعايتاتىن, ەلدٸڭ يدەيالىق باعدارىن ايقىندايتىن ماڭىزدى قادام.
"مەملەكەت باسشىسى دا پرەامبۋلادا ۇلتتىق قۇندىلىقتاردى نەگٸزگە الۋ قاجەتتٸگٸن ناقتى اتاپ ٶتتٸ. قازاق دالاسىنان باستاۋ الاتىن ٶركەنيەت پەن مەملەكەتتٸلٸك دەستٷرٸنٸڭ ساباقتاستىعىن ايقىن كٶرسەتۋ, قازاقستاننىڭ ۇلى دالاداعى تاريحي مەملەكەتتەردٸڭ مۇراگەرٸ ەكەنٸن ناقتى بەينەلەۋ ماڭىزدى ەكەنٸنە ەرەكشە مەن بەردٸ. سوندىقتان كونستيتۋتسييالىق رەفورما اياسىندا كەلٸپ تٷسكەن بارلىق ۇسىنىستارعا ٷستٸرت ەمەس, بايىپپەن, تەرەڭ كٶزقاراسپەن قاراۋ – ورتاق مٸندەتٸمٸز", – دەدٸ كوميسسييا مٷشەسٸ ٶز سٶزٸندە.
كونستيتۋتسييانىڭ پرەامبۋلاسى – نەگٸزگٸ زاڭنىڭ يدەيالىق ەرٸ مورالدىق ٸرگەتاسى, سونداي-اق كونستيتۋتسييانى قابىلداۋداعى تٷپكٸ ماقساتتاردى ايقىندايدى, ەلدٸڭ تاريحي-مەدەني بولمىسىن, ۇلتتىق كەلبەتٸن تانىتادى.
وسى ورايدا ٷنزيلا شاپاق ٶزگەرٸستەرگە قاتىستى ٶز پٸكٸرٸ مەن ويىن ايتتى.
"ەندٸگٸ بٸز ۇسىناتىن پرەامبۋلا مەتٸنٸندە بٸرنەشە ٸرگەلٸ باعىت ايقىن كٶرٸنٸس تابۋعا تيٸس. ەڭ ەۋەلٸ, قازاقستان ٶزٸن بٸرتۇتاس ۇلت رەتٸندە تانىتۋى قاجەت. بۇل – ۇلتتىق بٸرەگەيلٸكتٸ كٷشەيتەتٸن, بارشا قازاقستاندىقتى ورتاق ماقسات پەن جاۋاپكەرشٸلٸككە ۇيىستىراتىن باستى ۇستانىم. پرەامبۋلادا مەملەكەتتٸڭ ۋنيتارلىق سيپاتى, شەكارالاردىڭ مىزعىماستىعى مەن اۋماقتىق تۇتاستىقتى ساقتاۋ مەسەلەسٸنە ەرەكشە مەن بەرٸلۋگە تيٸس. قازٸرگٸ گەوساياسي جاعدايدا بۇل قاعيداتتار ەل ەگەمەندٸگٸن نىعايتاتىن شەشۋشٸ فاكتورلار بولىپ سانالادى", – دەدٸ دەپۋتات.
سونداي-اق ٷنزيلا شاپاقتىڭ ايتۋىنشا, «ەدٸلەتتٸ قازاقستان» يدەياسى مەن ونىڭ ٶزەگٸ سانالاتىن «زاڭ مەن تەرتٸپ» قاعيداتىن پرەامبۋلا دەڭگەيٸندە بەكٸتۋ مەملەكەت پەن قوعام دامۋىنىڭ جاڭا فيلوسوفيياسىن ايقىندايدى.
"بٷگٸن بٸز كونستيتۋتسييا تۋرالى ايتقاندا تەك بيلٸك پەن قۇقىقتىق نورمالاردى عانا ەمەس, ۇلتتىڭ بولاشاق الدىنداعى جاۋاپكەرشٸلٸگٸن دە ويلاۋىمىز كەرەك. سوندىقتان تابيعاتتى ايالاۋ, ەكولوگييامىزدى ساقتاۋ يدەياسى كونستيتۋتسييادا قوعام مەن مەملەكەتتٸڭ ورتاق قۇندىلىعى رەتٸندە كٶرٸنٸس تابۋعا تيٸس. مەدەنيەت, ەدٸلەتتٸ قازاقستاننىڭ كونستيتۋتسييالىق نەگٸزٸ مەملەكەتتٸلٸك – تەك زاڭدار مەن ينستيتۋتتار ارقىلى عانا ەمەس, ۇلتتىق رۋح پەن مەدەنيەت ارقىلى ورنىعادى. سوندىقتان مەدەنيەتتٸڭ جەنە رۋحاني قۇندىلىقتاردىڭ رٶلٸ كونستيتۋتسييادا ايقىن كٶرٸنٸس تابۋعا تيٸس. دەل وسى مەدەني نەگٸز حالىقتى بٸرتۇتاس ۇلتقا اينالدىرىپ, قوعامدىق بٸرلٸكتٸ نىعايتادى. مەدەنيەتتٸ كونستيتۋتسييالىق دەڭگەيدە بەكٸتۋ ارقىلى بٸز ەدٸلەتتٸ قازاقستاننىڭ تەك قۇقىقتىق ەمەس, ٶركەنيەتتٸ مەملەكەت ەكەنٸن ناقتىلايمىز. سونىمەن بٸرگە مەدەنيەت پەن ٶنەرگە, عىلىم مەن بٸلٸمگە, يننوۆاتسيياعا, تابيعاتتى ايالاۋعا, بٷگٸنگٸ جەنە كەلەر ۇرپاق الدىنداعى جاۋاپكەرشٸلٸككە مەن بەرٸلۋٸ كونستيتۋتسييانى تەك قۇقىقتىق ەمەس, ٶركەنيەتتٸك قۇجات دەڭگەيٸنە كٶتەرەدٸ. بۇل – مەملەكەت پەن حالىق اراسىنداعى جارييا قوعامدىق كەلٸسٸمنٸڭ ايقىن كٶرٸنٸسٸ", – دەدٸ ول.
