AQSh kongresiniń ókilder palatasy koronavirýs indetiniń ekonomikaǵa keri áserin joiýdy kózdeitin quny 1,9 trln dollar bolatyn qujattar paketin maquldady. Osyǵan deiin prezident Djo Baiden arnaiy josparyn usynǵan. (Ony keide "Amerikany qutqarý jospary" dep te ataidy). Jobaǵa tek demokrattar ǵana daýys berdi, respýblikashyldardyń birde-biri qujatty qoldamady.
Qarajat koronavirýsqa qarsy vaktsina egýge, shaǵyn biznesti qoldaýǵa, jumyssyzdar men balasy barlarǵa tólenetin járdemaqyǵa jumsalmaq. Amerika aqparat quraldarynyń habarlaýynsha, bul kómek otbasylardyń shamamen 90 paiyzyn qamtidy.
Qujat kongreste sońǵy ret qaralyp otyr. Buǵan deiin AQSh senaty Baiden usynystaryn qoldaǵanmen túzetýler engizip, ókilder palatasyna qaita qaraýǵa jibergen.
Prezident juma, 12 naýryzda qujatqa qol qoiýy tiis.
Synshylar Baiden usynǵan jospardyń aýqymy tym keń jáne aqshanyń bir bóligi koronavirýsqa qatysy joq máselelerdi sheshýge jumsalýy múmkin dep qaýiptenedi.
