اقش كونگرەسٸنٸڭ ٶكٸلدەر پالاتاسى كوروناۆيرۋس ٸندەتٸنٸڭ ەكونوميكاعا كەرٸ ەسەرٸن جويۋدى كٶزدەيتٸن قۇنى 1,9 ترلن دوللار بولاتىن قۇجاتتار پاكەتٸن ماقۇلدادى. وسىعان دەيٸن پرەزيدەنت دجو بايدەن ارنايى جوسپارىن ۇسىنعان. (ونى كەيدە "امەريكانى قۇتقارۋ جوسپارى" دەپ تە اتايدى). جوباعا تەك دەموكراتتار عانا داۋىس بەردٸ, رەسپۋبليكاشىلداردىڭ بٸردە-بٸرٸ قۇجاتتى قولدامادى.
قاراجات كوروناۆيرۋسقا قارسى ۆاكتسينا ەگۋگە, شاعىن بيزنەستٸ قولداۋعا, جۇمىسسىزدار مەن بالاسى بارلارعا تٶلەنەتٸن جەردەماقىعا جۇمسالماق. امەريكا اقپارات قۇرالدارىنىڭ حابارلاۋىنشا, بۇل كٶمەك وتباسىلاردىڭ شامامەن 90 پايىزىن قامتيدى.
قۇجات كونگرەستە سوڭعى رەت قارالىپ وتىر. بۇعان دەيٸن اقش سەناتى بايدەن ۇسىنىستارىن قولداعانمەن تٷزەتۋلەر ەنگٸزٸپ, ٶكٸلدەر پالاتاسىنا قايتا قاراۋعا جٸبەرگەن.
پرەزيدەنت جۇما, 12 ناۋرىزدا قۇجاتقا قول قويۋى تيٸس.
سىنشىلار بايدەن ۇسىنعان جوسپاردىڭ اۋقىمى تىم كەڭ جەنە اقشانىڭ بٸر بٶلٸگٸ كوروناۆيرۋسقا قاتىسى جوق مەسەلەلەردٸ شەشۋگە جۇمسالۋى مٷمكٸن دەپ قاۋٸپتەنەدٸ.
