Sanitarlyq dárigerler Almatydaǵy 14 konditerlik tseh jumystarynan zańbuzýshylyq faktilerin anyqtady, dep habarlaidy "Ult aqparat" qalalyq Qoǵamdyq densaýlyqty saqtaý departamentiniń baspasóz qyzmetine silteme jasap.
Departament mamandary qaladaǵy konditerlik tsehterdi baqylaý tekserý jumystaryn júrgizgen bolatyn.
Tekserý nátijesinde kóptegen taǵam shyǵaratyn tseh jumystarynda azyq-túliktiń (tuz, ashytqy, qurǵaq jemister) qaýipsizdigin rastaityn qujattar túgel emes bolyp shyqty.
Sonymen qatar, jumysshylardyń densaýlyǵyna qatysty tekserý de júrgizilmeitini anyqtaldy. Atap aitqanda, qyzmetkerlerdiń irińdi aýrýlary men mikrotravmalary qaralmaityny anyqtaldy. Qoimalarda aýa temperatýrasy men ylǵal kórsetkishin ólsheitin quraldar, zararsyzdandyrý quraldary da joq. Al toqash pisirýge fortifitsirlengen un paidalanylady.
«Balkaymak» JShS saýda úiiniń ashytqylarymen pisken «Ai» pechenelerinen mikroaǵzalar tabyldy. «Magnum Cash-Carry» JShS Almatydaǵy №7 bólimshesinde «Medovyi so sgýshenkoi» óniminen mikroaǵzalar tabylǵan, ónim kógerip ketken. Al Igelikova D.M. JK «Medovik» tortynan mikrobtar tabylǵan, kógere bastaǵan. JK Rahimova S.M. «Magiia liýbvi» tátti ónimin de zeń basqan, kógerip ketken.
Sonymen qatar, «Magnum Cash-Carry» JShS Almatydaǵy №7 bólimshesinen, Igelikova D.M. jeke kásipkerliginiń, Rahimova S.M. jeke kásipkerliginiń, «Aidyn» JShS jumysshylarynyń konditerlik tseh jumysshylarynyń qolynan ishek taiaqshasy men patogendi flora qozdyrǵyshtary tabyldy.
Sanitarlyq normany buzǵan 14 konditerlik tseh: «Optovyi klýb» JShS, «Magnum Cash-Carry» JShS Almatydaǵy №7 bólimshesi, «Saýda úii «Balkaymak» JShS, «Aidyn» JShS, Djýmanbaev A.A. JK, Igelikova D.M. JK, Rahimova S.M. JK, «Magnum Cash-Carry» JShS Almatydaǵy №7 bólimshesi janyndaǵy «DEGIRMEN» JShS, Iakýbova N.N. JK, «Skif Treid» JShS, «Konditerskii kombinat» Viktoriia» JShS, Pashaeva R.M. JK, «Ainur» JShS jalpy alǵanda 697 myń 450 teńge aiyppul tóleitin boldy.
Departament mamandary sýpermarketter men dúkenderden paidalaný merzimi ótip ketken nemese kórsetilmegen, oramasy jyrtylǵan, óndirýshiniń aty kórsetilmegen ónimderdi kórse 3823454 telefonyna habarlasýdy suraidy.
