سانيتارلىق دەرٸگەرلەر الماتىداعى 14 كونديتەرلٸك تسەح جۇمىستارىنان زاڭبۇزۋشىلىق فاكتٸلەرٸن انىقتادى, دەپ حابارلايدى "ۇلت اقپارات" قالالىق قوعامدىق دەنساۋلىقتى ساقتاۋ دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
دەپارتامەنت ماماندارى قالاداعى كونديتەرلٸك تسەحتەردٸ باقىلاۋ تەكسەرۋ جۇمىستارىن جٷرگٸزگەن بولاتىن.
تەكسەرۋ نەتيجەسٸندە كٶپتەگەن تاعام شىعاراتىن تسەح جۇمىستارىندا ازىق-تٷلٸكتٸڭ (تۇز, اشىتقى, قۇرعاق جەمٸستەر) قاۋٸپسٸزدٸگٸن راستايتىن قۇجاتتار تٷگەل ەمەس بولىپ شىقتى.
سونىمەن قاتار, جۇمىسشىلاردىڭ دەنساۋلىعىنا قاتىستى تەكسەرۋ دە جٷرگٸزٸلمەيتٸنٸ انىقتالدى. اتاپ ايتقاندا, قىزمەتكەرلەردٸڭ ٸرٸڭدٸ اۋرۋلارى مەن ميكروتراۆمالارى قارالمايتىنى انىقتالدى. قويمالاردا اۋا تەمپەراتۋراسى مەن ىلعال كٶرسەتكٸشٸن ٶلشەيتٸن قۇرالدار, زارارسىزداندىرۋ قۇرالدارى دا جوق. ال توقاش پٸسٸرۋگە فورتيفيتسيرلەنگەن ۇن پايدالانىلادى.
«Balkaymak» جشس ساۋدا ٷيٸنٸڭ اشىتقىلارىمەن پٸسكەن «اي» پەچەنەلەرٸنەن ميكرواعزالار تابىلدى. «Magnum Cash-Carry» جشس الماتىداعى №7 بٶلٸمشەسٸندە «مەدوۆىي سو سگۋششەنكوي» ٶنٸمٸنەن ميكرواعزالار تابىلعان, ٶنٸم كٶگەرٸپ كەتكەن. ال يگەليكوۆا د.م. جك «مەدوۆيك» تورتىنان ميكروبتار تابىلعان, كٶگەرە باستاعان. جك راحيموۆا س.م. «ماگييا ليۋبۆي» تەتتٸ ٶنٸمٸن دە زەڭ باسقان, كٶگەرٸپ كەتكەن.
سونىمەن قاتار, «Magnum Cash-Carry» جشس الماتىداعى №7 بٶلٸمشەسٸنەن, يگەليكوۆا د.م. جەكە كەسٸپكەرلٸگٸنٸڭ, راحيموۆا س.م. جەكە كەسٸپكەرلٸگٸنٸڭ, «ايدىن» جشس جۇمىسشىلارىنىڭ كونديتەرلٸك تسەح جۇمىسشىلارىنىڭ قولىنان ٸشەك تاياقشاسى مەن پاتوگەندٸ فلورا قوزدىرعىشتارى تابىلدى.
سانيتارلىق نورمانى بۇزعان 14 كونديتەرلٸك تسەح: «وپتوۆىي كلۋب» جشس, «Magnum Cash-Carry» جشس الماتىداعى №7 بٶلٸمشەسٸ, «ساۋدا ٷيٸ «Balkaymak» جشس, «ايدىن» جشس, دجۋمانباەۆ ا.ا. جك, يگەليكوۆا د.م. جك, راحيموۆا س.م. جك, «Magnum Cash-Carry» جشس الماتىداعى №7 بٶلٸمشەسٸ جانىنداعى «DEGIRMEN» جشس, ياكۋبوۆا ن.ن. جك, «سكيف ترەيد» جشس, «كونديتەرسكيي كومبينات» ۆيكتورييا» جشس, پاشاەۆا ر.م. جك, «اينۇر» جشس جالپى العاندا 697 مىڭ 450 تەڭگە ايىپپۇل تٶلەيتٸن بولدى.
دەپارتامەنت ماماندارى سۋپەرماركەتتەر مەن دٷكەندەردەن پايدالانۋ مەرزٸمٸ ٶتٸپ كەتكەن نەمەسە كٶرسەتٸلمەگەن, وراماسى جىرتىلعان, ٶندٸرۋشٸنٸڭ اتى كٶرسەتٸلمەگەن ٶنٸمدەردٸ كٶرسە 3823454 تەلەفونىنا حابارلاسۋدى سۇرايدى.
