Qonaev týraly ańyzǵa bergisiz áńgimeler kóp. Onyń 24 jyl boiy bir páterde turǵany, jumysyna jaiaý baryp, jaiaý qaitatyny, eshqandai qorǵaýshysyz júretindigi, ańshylyqty serik etip, qarý-jaraq jinaityny da tolyp jatqan áńgime. 81 jyl ǵumyr keshken qazaqtyń dara tulǵasy ult úshin aitarlyqtai qyzmet atqarǵany belgili.
Táýelsizdiktiń tuǵyrly sátin kózimen kórgen dara darynnyń sońǵy týǵan kún merekesi de qarapaiym ótken sekildi. Tanymal jýrnalist Arman Sqabylulynyń áleýmettik jelige jariialaǵan myna bir videosynan sony ańǵarǵandai bolamyz. 1992 jyly 12 qańtar Dimash Ahmetulynyń aqyrǵy týǵan kúnin atap ótý merekesi bolǵan eken. Video avtory da bul merekeniń Dimash atamyz úshin sońǵy týǵan kúni bolǵanyn aitady.
Úsh ret Eńbek eri atanǵan Dinmuhamed Qonaevtyń bul merekesine óziniń etjaqyndary men óner ieleri, tanymal qoǵam qairatkerleri qatysqan eken. Al qazaq estradasynyń jaryq juldyzy, qazaq án óneriniń jeztańdaiy Roza Rymbaeva Dimash atamyzdyń aldynda «Arman-ai» dep án shyrqap tur.
