Foto:elements.envato.com
Mádeniet jáne sport vitse-ministri Erjan Erkinbaev Qonaevtan kazinony kóshirý týraly aqparatqa qatysty pikir bildirdi, - dep habarlaidy Tengrinews.kz.
Shymbulaqta ótken týrizm salasynyń ókilderimen kezdesý barysynda Tengrinews tilshisi mádeniet jáne sport vitse-ministri Erjan Erkinbaevqa Qonaevtaǵy oiyn aimaǵynyń bolashaǵy týraly suraq qoidy. Vitse-ministrdiń aitýynsha, oiyn biznesi biylǵy birinshi jartyjyldyqta ǵana biýdjetke 80,4 milliard teńge ákelgen. Bul salada qazir 4 myńǵa jýyq adam eńbek etedi. Onyń quramyna alty kazino kiredi - beseýi Qonaevta jáne bireýi Býrabaida, sondai-aq býkmekerlik keńseler bar.
"Bes kazino dabyl qaǵatyndai onsha kóp emes. Jalpy, meniń oiymsha, tek bizdiń elde ǵana kazinolar jaman dep qalyptasqan. Kazinony qylmys, ishimdik, kúsh qoldaný jáne baqytsyz otbasymen bailanystyrady. Bul rette basqa elderde kazino - bul ádemi is-sharalar, kontsertter... Kóbi oiynhanaǵa oinaý úshin emes, týristik maqsatpen barady. Sondyqtan, Qonaevtaǵy oiynhanany jabý máselesi kún tártibinde turǵan joq dep oilaimyn. Biz kazino qyzmetin jeńildetý nemese kerisinshe shekteý týraly aityp otyrǵan joqpyz. Olar zań aiasynda jumys isteidi. Bir ǵana jait, jyl ótken saiyn olardyń is-sharalaryna kóbirek kóńil bólemiz. Biyl oblys prokýratýrasy jáne ministrlik bastamasymen tekserý júrgizildi. Biz faktilerdi, zańbuzýshylyqtardy anyqtadyq, kináliler aýyr jazaǵa tartyldy, onyń ishinde ótemaqy tóleý jáne tipti litsenziiadan aiyrý, bul oiyn avtomattary zaldaryna qatysty. Barlyǵy muqiiat tekserilse, oiynhananyń jumysy qiyndyq týdyrmaidy", - dedi vitse-ministr Erjan Erkinbaev.
Kazinonyń oblystyń ákimshilik ortalyǵy mártebesine ie qalada ornalasýyna qatysty Erkinbaev álemde Singapýr nemese Ońtústik Koreia siiaqty memleket astanasynda oiyn alańdaryn ornalastyrý mysaldary bar ekenin atap ótti. Bul rette jergilikti turǵyndardyń olarǵa barýyna belgili bir shekteýler engizilýi múmkin.
"Oblys ákimshiligi sheneýnikteriniń ol jaqqa barý múmkindigine keletin bolsaq, meniń oiymsha, olar barǵysy kelmeidi. Kazinolar quzyrly organdarǵa sheneýnikter týraly málimet beredi", - dedi Erkinbaev.
Eske salaiyq, Almaty oblysynyń prokýratýrasy oiynhanalar men oiyn avtomattary zaldaryna tekserý júrgizip, 305 qazaqstandyq sheneýniktiń oiynhanada 507 million teńge jumsaǵanyn anyqtaǵan bolatyn.
