«Qazaqtelekom» AQ «Tazartý» jobasy aiasynda óńirdegi eskirgen mys jelilerinen talshyqty-optikalyq bailanys jelisine aýystyrý jumystaryn qarqyndy júrgizip keledi. Osy oraida Qonaev qalasy elimizdegi mys jelisinen arylǵan úshinshi qala jáne birinshi oblys ortalyǵy boldy. Oblys ortalyǵy tolyqtai talshyqty-optikalyq bailanys jelisine aýystyryldy.
Qonaev qalasy boiynsha jobany júzege asyrý barysynda aýqymdy infraqurylymdyq jumystar atqaryldy:
11 200 metr magistraldy optikalyq kabel tartyldy
65 900 metr taratý jelisiniń optikalyq kabeli júrgizildi
255 dana temir-beton baǵanalary ornatyldy
1200 metr telefon kanalizatsiiasy salyndy
№19 yqshamaýdanda bir ORSh ornatyldy
ATS-ke 1 optikalyq kross (384 port) qoiyldy
300 dana ORKsp 1*8 bólgish ornatyldy
48 dana optikalyq mýfta quryldy
Sonymen qatar, 6 MAD jáne 5 ORSh bazasynda 1800 abonent mys jelisinen optikaǵa aýystyryldy. Nátijesinde 6 MAD tolyqtai bosatyldy.
Bul jumystar Qonaev turǵyndaryna sapaly ári joǵary jyldamdyqtaǵy internet qyzmetin paidalanýǵa múmkindik beredi. Talshyqty-optikalyq bailanys – tek qazirgi zamanǵy talap qana emes, bolashaqtyń turaqty infraqurylymy.
«Qazaqtelekom» AQ aldaǵy ýaqytta da óńirlerde «Tazartý» jobasyn jalǵastyryp, halyqqa zamanaýi ári senimdi bailanys qyzmetin usynýdy jalǵastyrady.
