Kompaniialardaǵy basqarýshylyq laýazymdarda áielderdiń úlesin 30 paiyzǵa deiin arttyrý kerek. Bul týraly Ulttyq qoǵamdyq senim keńesiniń tórtinshi otyrysynda Prezident Qasym-Jomart Toqaev málim etti, dep habarlaidy QazAqparat.
Prezident memlekettiń qatysýymen qyzmet etip júrgen kópshilik kompaniialarda áielderdiń úlesi áli de tómen ekenin, iaǵni 5-7 paiyz shamasynda ekenin aitty.
«Osyndai jaǵdai el turǵyndarynyń jartysynan astamyn qurap turǵan áielderdiń áleýetin tolyqtai júzege asyrýǵa múmkindik bermeidi», - dedi Memleket basshysy.
Prezident keńes músheleri bul máseleni jan-jaqty qarastyrǵanyn, memlekettiń qatysýy bar kompaniialardyń basshylyq organdarynda áielderdiń úlesin 30 paiyzǵa deiin arttyrý týraly mindetti normany engizý qajettigin usynǵanyn aitty.
«Atalǵan bastamany kezeń-kezeńmen júzege asyrý týraly oilastyrýymyz kerek dep sanaimyn. Bul óz kezeginde biznes salany áielder úshin tartymdy etip, mamandandyrylǵan halyqaralyq reitingilerde Qazaqstannyń pozitsiialaryn joǵary kóteredi», - dedi Q. Toqaev.
