23 qazanda Nur-Sultan qalasynda Qazaqstan Kommýnistik Halyq partiiasy Ortalyq Komiteti Saiasi Biýrosynyń otyrysy ótti. Otyrys barysynda 2021 jylǵy 10 qańtardaǵy QR Parlamenti Májilisi men máslihattar depýtattaryn sailaýǵa qatysý týraly sheshim qabyldandy. Kezekten tys Sezd shaqyrylyp, partiianyń arnaiy málimdemesi jasaldy, dep habarlaidy atalǵan partiianyń baspasóz qyzmeti.
"Ult aqparat" oqyrman nazaryna málimdeme mátinin usynady.
***
2021 jylǵy 10 qańtardaǵy QR Parlamenti Májilisiniń kezekti sailaýyna qatysý týraly Qazaqstan Kommýnistik Halyq partiiasynyń Málimdemesi
Búgin ótken Saiasi Biýronyń qorytyndysy boiynsha Qazaqstan Kommýnistik Halyq partiiasy aldaǵy máslihattar men QR Parlamenti Májilisiniń kezekti sailaýyna qatysatynyn málimdeidi.
2020 jylǵy 11 qarashada Qazaqstan Kommýnistik Halyq partiiasy túpkilikti sheshim qabyldaý, partiialyq tizim men sailaýaldy tuǵyrnamany bekitý úshin joǵary partiia organynyń – Sezd otyrysyn uiymdastyrady.
Partiia músheleri men Májilistegi bizdiń fraktsiia birqatar ózekti áleýmettik máselelerdi talqylaýǵa bastamashy boldy.
Sondai-aq qazaqstandyqtardyń ál-aýqatyn arttyrýǵa jáne jalpy áleýmettik salany damytýǵa baǵyttalǵan mańyzdy zańdardy qabyldaýǵa qomaqty úles qosty.
Biz QKHP músheleriniń Parlamenttegi jáne máslihattardaǵy ókildigin ulǵaitýdy, onda tiimdi zańnamalyq jumysty jalǵastyrýdy, sondai-aq jergilikti ókildi organdardyń jumys deńgeiin arttyrýdy kózdep otyrmyz.
Ol úshin memlekettiń kóptegen ózekti máselelerin jáne azamattardyń suranystaryn sheshý usynystaryn qarastyratyn sailaý aldyndaǵy baǵdarlama ázirlenýde.
Bizdiń basymdyqtarymyzdyń biri depýtattyqqa quzyretti kandidattardy, onyń ishinde áielder men jastardy usyný bolmaq. Bul maqsatty aýditoriiany jáne sheshiletin máseleler aýqymyn edáýir keńeitedi.
Qarjy daǵdarysy, pandemiia, álemdegi áleýmettik jáne saiasi turaqsyzdyq jaǵdaiynda Qazaqstan halqy durys tańdaý jasaitynyna senimdimiz.
