Ulttyq ekonomika ministrliginiń tabiǵi monopoliialardy retteý komiteti kommýnaldyq qyzmetterdiń aqysyn kóterýge moratorii engizilgenin málimdedi, dep habarlaidy Sputnik Qazaqstan.
"Memleket basshysynyń tapsyrmasy boiynsha halyq úshin retteletin kommýnaldyq tarifterdi (sýmen jabdyqtaý, sý burý, elektrmen jabdyqtaý, jylýmen jabdyqtaý jáne gazben jabdyqtaý) kóterýge moratorii engizildi", - delingen resmi habarlamada.
Osylaisha barlyq kommýnaldyq tólem 2021 jylǵy jeltoqsan aiynyń deńgeiinde 180 kún saqtalady. Barlyǵy 103 monopolist óz tarifin túzetti.
Komitettiń esebine sáikes, moratoriidiń arqasynda halyq shamamen 3,2 milliard teńge únemdeidi. Atap aitqanda:
- jylýmen jabdyqtaý – 1 442 million teńge;
- elektrmen jabdyqtaý – 839,7 million teńge;
- sýmen jabdyqtaý – 367,6 million teńge;
- sý burý – 224,6 million teńge;
- gazben jabdyqtaý – 318,7 million teńge.
