Foto: Qonaevtv.kz
Almaty oblysy Raiymbek aýdanyna qarasty Sarybastaý aýylyndaǵy qystaýlardyń birinde bir otbasynyń tórt múshesi kóz jumdy. Aldyn ala málimetterge sáikes, qaiǵyly jaǵdaiǵa ýly gazdan ýlaný sebep bolýy múmkin. Alaida bul aqparat ázirge resmi túrde rastalmaǵan, dep habarlaidy Ult.kz.
Quqyq qorǵaý organdarynyń dereginshe, marqumdardyń qatarynda 1955 jáne 1974 jyly týǵan eki er adam, 1984 jylǵy áiel jáne bir jarym jasar sábi bar. Otbasy qystaýda turǵan. Týystary eki kún boiy habarlasa almaǵan soń, úiine baryp, barlyǵynyń jansyz denesin tapqan.
Oqiǵa ornyna aýdandyq politsiia qyzmetkerleri shaqyrylyp, máiitter sot-meditsinalyq saraptamaǵa joldandy. Qazirgi tańda quzyrly organdar istiń barlyq mán-jaiyn anyqtaý úshin tekserý júrgizip jatyr.
Qaza tapqandardyń týysy, qala turǵyny Erqanat Aqyldosov otbasynyń sońǵy kúnderi jaily málimet berdi.
«Týystarymyz aýylǵa eń sońǵy ret 30 qańtarda kelgen. Sol kezde kólikterine janarmai quiyp alǵanyn aitqan edi. Al 31 qańtarda otbasy músheleriniń biriniń týǵan kúni bolǵan», – deidi ol.
Onyń aitýynsha, qaiǵyly oqiǵa kúni úidi jylytý barysynda aqaý týyndaýy yqtimal.
«Keshke qarai pesh jaqqanda kómirdiń dymqyl bolǵany baiqalǵan. Sonyń saldarynan pesh durys janbai, tútin shyǵýy múmkin. Marqumdardy tapqan týystarymyz úi ishinde tútin iisi qatty sezilgenin aitty», – dedi Erqanat Aqyldosov.
Otbasynyń naqty neden qaza tapqany sot-meditsinalyq saraptama men tergeý nátijeleri shyqqan soń belgili bolady.
