Foto: ashyq derekkóz
Úkimet otyrysynda oqý-aǵartý ministri Ǵani Beisembaev Memleket basshysy jariialaǵan Jumysshy mamandyqtary jyly sheńberinde TjKB júiesin damytý boiynsha aǵymdaǵy nátijeler týraly baiandady, dep habarlaidy Ult.kz.
Ministrliktiń málimetinshe, 2024-2025 oqý jylynda kolledjderde 550 myńnan astam stýdent bilim alǵan. 173 myń stýdent oqýyn bitiredi, onyń ishinde jumys biliktiligi boiynsha 123 myń stýdent, dýaldy oqytý sheńberinde 27 myń stýdent bilim alyp shyǵady. Kásiporyndardyń maqsatty tapsyrysy boiynsha 10 myń stýdent bitirdi.
«Jyl saiyn kolledj túlekterin jumysqa ornalastyrý kórsetkishi ósýde: 2024 jyly túlekterdiń 81%-y jumyspen qamtyldy. Jumysshy mamandyqtary jyly aiasynda jumysshy mamandyqtardyń bedelin arttyrýǵa jáne kolledjderdiń biznespen ózara is-qimylyna asa nazar aýdarylýda. Oqý jylynyń qorytyndysy boiynsha qamqorlyq kómek kórsetetin kásiporyndardyń sany 7 ese artty. Búgingi tańda 4 myńnan astam kásiporyn 662 kolledjge, ótken jyldyń qorytyndysy boiynsha 412 kolledjge 558 kásiporyn qamqorlyq kórsetýde», — dep atap ótti Ǵani Beisembaev.
Onyń aitýynsha, «pedagog-kásibi baǵdarlaýshy» laýazymy alǵash ret resmi túrde bekitildi. 905 joǵary synyp oqýshysy jalpy bilim týraly attestatpen qatar, jumysshy biliktiligi boiynsha diplom aldy. 2,5 mln mektep oqýshysy kásibi baǵdarlaýshy sharalarymen qamtyldy.
104 kolledjdiń materialdyq-tehnikalyq bazasy jańartyldy. Stýdentterdiń turmys jaǵdaiyn jaqsartý úshin 2 myń orynǵa arnalǵan 8 jataqhana paidalanýǵa berildi. Biznes ókilderi 8 myńnan astam bilim berý baǵdarlamalaryn ázirleýge qatysty.
.jpeg)