Eger adam kólikte kele jatsa, maska taǵýǵa mindetti me? Bul suraqqa Densaýlyq saqtaý ministrligi jaýap berdi, dep habarlaidy "Ult aqparat" coronavirus2020.kz saitynyń telegram kanalyna silteme jasap.
«Eger qoǵamdyq kólikte (avtobýs, poiyz, ushaq keme nemese taksi) bolsa, onda mindetti. Al eger jeke kólik bolsa, mindetti emes.
Munda jeke kólikte, bir otbasy múshelerine maska taǵý mindettelmeidi. Biraq biz maska taǵý aýrý qaýpin 30% tómendetetinin kórsetetin ǵylymi negizdemeni eskere otyryp, ony taǵýǵa keńes beremiz», delingen habarlamada.
Sondai-aq, ministrlik óz úileriniń aýlalarynda maska taqpaýǵa, al kóp qabatty úi aýlasynda maskany taǵyp júrýge mindetteletin jetkizdi.
«Jeke úidiń aýlasynda taqpaýǵa bolady. Kóp qabatty turǵyn úidiń aýlasynda júrse, maska taǵýy kerek. Bes jasqa deiingi balalardy qospaǵanda, sondai-aq áleýmettik qashyqtyqty saqtai otyryp, otbasy músheleriniń serýendeý kezinde de betperde taǵýy qajet», - dep tolyqtyrdy ministrlik.
Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanitarlyq memlekettik dárigeri Aijan Esmaǵambetovanyń qaýlysynda aitylǵan.
