ەگەر ادام كٶلٸكتە كەلە جاتسا, ماسكا تاعۋعا مٸندەتتٸ مە? بۇل سۇراققا دەنساۋلىق ساقتاۋ مينيسترلٸگٸ جاۋاپ بەردٸ, دەپ حابارلايدى "ۇلت اقپارات" coronavirus2020.kz سايتىنىڭ تەلەگرام كانالىنا سٸلتەمە جاساپ.
«ەگەر قوعامدىق كٶلٸكتە (اۆتوبۋس, پويىز, ۇشاق كەمە نەمەسە تاكسي) بولسا, وندا مٸندەتتٸ. ال ەگەر جەكە كٶلٸك بولسا, مٸندەتتٸ ەمەس.
مۇندا جەكە كٶلٸكتە, بٸر وتباسى مٷشەلەرٸنە ماسكا تاعۋ مٸندەتتەلمەيدٸ. بٸراق بٸز ماسكا تاعۋ اۋرۋ قاۋپٸن 30% تٶمەندەتەتٸنٸن كٶرسەتەتٸن عىلىمي نەگٸزدەمەنٸ ەسكەرە وتىرىپ, ونى تاعۋعا كەڭەس بەرەمٸز», دەلٸنگەن حابارلامادا.
سونداي-اق, مينيسترلٸك ٶز ٷيلەرٸنٸڭ اۋلالارىندا ماسكا تاقپاۋعا, ال كٶپ قاباتتى ٷي اۋلاسىندا ماسكانى تاعىپ جٷرۋگە مٸندەتتەلەتٸن جەتكٸزدٸ.
«جەكە ٷيدٸڭ اۋلاسىندا تاقپاۋعا بولادى. كٶپ قاباتتى تۇرعىن ٷيدٸڭ اۋلاسىندا جٷرسە, ماسكا تاعۋى كەرەك. بەس جاسقا دەيٸنگٸ بالالاردى قوسپاعاندا, سونداي-اق ەلەۋمەتتٸك قاشىقتىقتى ساقتاي وتىرىپ, وتباسى مٷشەلەرٸنٸڭ سەرۋەندەۋ كەزٸندە دە بەتپەردە تاعۋى قاجەت», - دەپ تولىقتىردى مينيسترلٸك.
ەسكە سالا كەتسەك, 30 شٸلدەدەن باستاپ قازاقستاندىقتار كٶشەدە ماسكا تاعىپ جٷرۋگە مٸندەتتەلدٸ. بۇل تۋرالى ەلدٸڭ باس سانيتارلىق مەملەكەتتٸك دەرٸگەرٸ ايجان ەسماعامبەتوۆانىڭ قاۋلىسىندا ايتىلعان.
