Foto: depositphotos.com
Kólik jýý oryndary úshin sý tarifi eselep kóterilýi múmkin. Bul týraly Úkimet otyrysynan keiingi brifingte Sý resýrstary jáne irrigatsiia ministri Nurjan Nurjigitov aitty, - dep habarlaidy Kazinform agenttigi.
«Qazaqstanda jalpy sý resýrstary kóleminiń ne bári 1,3 paiyzy ǵana aýyz sýǵa paidalanylady. Iaǵni, bul 1,3 sharshy shaqyrym sý degen sóz. Saraptama jasaǵan kezimizde shamamen 200 mln sharshy shaqyrym sýdy tehnikalyq qyzmet kórsetý stansalarynyń avtokólikterdi jýýǵa shyǵyndaityndyǵyn anyqtadyq», - dedi ministr BAQ ókilderiniń saýalyna orai.
Onyń atap ótýinshe, aýyz sýdy basqa qajettilikke paidalanatyndarǵa tarif kóteriletin bolady.
«Qazirgi ýaqytta biz Sý kodeksinde qandai da bir aralyq norma qarastyrǵymyz keledi. Ázirshe naqtylaǵan joqpyz, talqylap jatyrmyz. Tehnikalyq qyzmet kórsetý stansalarynda aýyz sýdy paidalanatyn kásipkerler belgili bir ýaqyt aralyǵynda avtomobil jýýǵa qoldanǵan sýdy tazalaityn jabdyq ornatýy tiis. Iaǵni, sýdy qaitadan paidalanýy qajet. Ekinshi másele – tarif boiynsha sheshemiz. Demek, aýyz sýdy basqa qajettilikke paidalanatyndarǵa tarif áldeqaida joǵary bolady», - dedi Nurjan Nurjigitov.
