Úkimettiń búgingi otyrysynda QR Bilim jáne ǵylym ministri Erlan Saǵadiev jol júrý erejesin úiretý jumystary mektep qabyrǵasynan bastalatynyn jetkizdi. Onyń aitýynsha, osy sharalardyń arqasynda elimizdegi jol-kólik apattarynyń sanyn azaitýǵa bolady, dep xabarlaidy "Ult aqparat" Baq.kz portalyna silteme jasap.
«Búginde balalardyń jolda jaraqat alý deńgeii azaimai otyr. Osyǵan bailanysty alǵashqy áskeri daiyndyq oqý baǵdarlamasyna, iaǵni NVP-ǵa kólik júrgizý, sonymen qatar jol qaýipsizdigi erejelerin oqytýdy engizetin bolamyz. Osynyń nátijesinde mektep bitiretin balalarǵa kólik júrgizý kýrsyn bitirgeni týraly kýálik beriledi. Osylaisha, 18 jasqa kelgen bala kólik júrgizý kýáligin ala alady», - deidi E.Saǵadiev.
Ministrdiń aitýynsha, búginde alǵashqy áskeri daiyndyqtan sabaq beretin muǵalimderdi qaita daiarlaý kýrstarynan ótkizý kózdelip otyr. Oǵan qajetti qarajat bar. Al osy saladaǵy jumysty kelesi jyly bitindep bastaý josparlanǵan.
.jpeg)