Qostanai oblysyndaǵy Qashar kentiniń ákimi biýdjet qarjysyn jymqyrǵan degen kúdikpen ustaldy, dep habarlaidy "Ult aqparat" oblystyq Sybailas jemqorlyqqa qarsy kúres departamentiniń baspasóz qyzmetine silteme jasap.
Rýdnyi qalasyna qarasty Qashar kentiniń ákimi mekeme tirkeýinde turǵan qyzmettik avtokólikti jóndeýge bólingen 1 464 000 teńge biýdjet qarjysyn jymqyrdy degen kúdikke ilinip otyr. Sybailas jemqorlyqqa qarsy qyzmet ákimge qatysty sotqa deiingi tergeý isin bastady
«Naqty iske kelgende avtokólik jóndeýden ótpegen. Kúdikti soǵan qaramastan joǵaryda kórsetilgen kólemdegi qarjyny jymqyrý úshin jeke kásipkerdiń esepshotyna aýdaryp jibergen. Qazir tergeý júrip jatyr»,- delingen Sybailas jemqorlyqqa qarsy kúres qyzmetiniń aqparatynda.
