Shyǵys Qazaqstan oblysynda áleýmettik jelide taraǵan qaýipti beinejazbaǵa bailanysty júrgizýshi men jolaýshy ákimshilik jaýapkershilikke tartyldy, dep habarlaidy ult.kz.
Beinejazbada qozǵalys kezinde jeńil avtokóliktiń jolaýshysy qaýipsizdik talaptaryn elemei, denesin kóliktiń terezesinen syrtqa shyǵarǵany kórinedi. Bul áreket óziniń ǵana emes, ózge jol qozǵalysyna qatysýshylardyń ómiri men densaýlyǵyna da qaýip tóndirgen.
Politsiia qyzmetkerleri tekserý barysynda oqiǵaǵa qatysýshylardy jedel anyqtady. Chevrolet Cobalt kóligin basqarǵan 27 jastaǵy júrgizýshi jol qozǵalysy qaýipsizdigi talaptaryn buzǵany úshin jaýapqa tartyldy.
Sonymen qatar qozǵalys kezinde qaýipsizdik beldigin taqpaǵan jolaýshyǵa qatysty da ákimshilik shara qoldanyldy.
Politsiia jol qozǵalysy qaǵidalaryn saqtaý árbir júrgizýshi men jolaýshynyń mindeti ekenin eske salyp, áserli foto nemese beine túsirý maqsatynda ómirge qaýip tóndiretin áreketterge barmaýǵa shaqyrdy. Vedomstvonyń málimetinshe, bir ǵana jaýapsyz qadam orny tolmas qaiǵyly jaǵdaiǵa ákelýi múmkin.
Eske sala keteiik, sońǵy ýaqytta elde 65 jastan asqan júrgizýshilerge qatysty meditsinalyq tekserý máselesi qoǵamda qyzý talqylanýda. Osyǵan bailanysty Ishki ister ministrligi men Densaýlyq saqtaý ministrligi qoldanystaǵy tártip ózgermegenin aityp, resmi túsinikteme bergen bolatyn.
