Kóliktiń barlyq túrimen júk tasymaldaý kólemi 2 mlrd tonnany qurady. Bul týraly Úkimet otyrysynda jeti aidaǵy áleýmettik-ekonomikalyq damýdy talqylaý kezinde QR Indýstriia jáne infraqurylymdyq damý ministrliginiń birinshi vitse-ministri Qaiyrbek Óskenbaev aitty, dep habarlaidy "Ult aqparat".
«Kólik salasy koronavirýs infektsiiasy indetinen keiin áli qalpyna kelgen joq. Eseptik kezeńde naqty kólem indeksi 96,9% qurady. Tranzittik konteinerlik tasymalda oń dinamika saqtaldy. Kórsetkish 625,6 myń jiyrma fýnttyq balamany qurady. Ósim 37% boldy», - dedi Óskenbaev.
Onyń aitýynsha, kóliktiń barlyq túrimen júk tasymaldaý kólemi 2 mlrd tonna nemese ótken jyldyń sáikes kezeńimen salystyrǵanda 96,8 paiyzdy qurady.
