Qazaqstanda áleýmettik mańyzy bar kólik tasymaldaýshylaryn qosylǵan qun salyǵynan 3 jylǵa bosatý usynylady. Bul usynys týraly Ulttyq ekonomika ministri Rýslan Dálenov Salyq kodeksine ózgerister men tolyqtyrýlardy engizýdi kózdeitin zań jobasyn senatorlarǵa tanystyrý barysynda aitty, dep habarlaidy QazAqparat.
«Áleýmettik baǵyttar boiynsha tarifterdiń tiimsiz bolýyna jáne sýbsidiialaýǵa qarjynyń jetispeýine bailanysty tasymaldaýshylar shyǵynǵa ushyraidy. Turaqty áleýmettik mańyzy bar avtokólik tasymaldary boiynsha qosylǵan qun salyǵynan 3 jylǵa bosatý usynylady. Teńiz kóligi arqyly tranzitti damytý, tranzit qunyn tómendetý úshin jaǵdai jasaý maqsatynda júkti teńiz portyna deiin temir jol arqyly jetkizip, sý kóligine aýystyryp tieý arqyly júrgiziletin tasymaldardy halyqaralyq dep taný jáne olarǵa qosylǵan qun salyǵynyń nóldik mólsherlemesin qoldaný usynylady», - dedi Rýslan Dálenov Parlament Senatynyń otyrysynda.
Onyń aitýynsha 5G jańa bailanys túrin qurýǵa investitsiia tartyp, jasandy intellektti damytý maqsatynda radiojiilik spektrin paidalanǵany úshin tólemaqy mólsherlemelerin 5 jyl merzimine 10 esege deiin tómendetý usynylady.
Sonymen qatar, jeke tulǵalarǵa qyzmetteri men taýarlaryn elektrondy túrde ótkizetin sheteldik internet-kompaniialar qosylǵan qun salyǵyn tóleýge mindetti bolady.
