QR Indýstriia jáne infraqurylymdyq damý vitse-ministri Marat Qarabaev «Habar» telearnasyndaǵy «Bolshaia nedelia» baǵdarlamasynda ýtilizatsiialyq alym tetiginiń mańyzy týraly pikir bildirdi, dep habarlaidy QazAqparat.
«Áýeli jurtqa «ÓKM operatory» JShS búginge deiin qalai jumys istep kelgenin túsindirip kóreiik. Qoǵam ishinde ýtilizatsiialyq alym arqyly avtomobil ónerkásibi qoldaý kórip otyr degen túsinik qalyptasyp alǵan. Ýtilizatsiialyq alym jinaý tetigi mynadai jolmen jumys isteidi. Avtomobil importtaýshy da, otandyq óndirýshi de birdei ýtilizatsiialyq alym tóleidi. Biraq otandyq óndirýshi ÓKM-ge tólegen alymyn sol sátte-aq qaitaryp alady. Sonda importtaýshy ýtilizatsiialyq alymdy tóleidi, al otandyq óndirýshi shyǵarǵan kólik ishki naryqta ýtilizatsiialyq alymsyz satylady. Sonyń esebinen otandyq avtomobildiń baǵasynda ýtilizatsiialyq alymnyń quny bolmaidy», - degen ministrdiń orynbasary sózine naqty sandy dálel etip keltirdi.
«Qazaqstanda satyp alynyp jatqan avto kóliktiń bárine ýtilizatsiialyq alym salynady degen shyndyqqa janaspaidy. 2021 jyly ishki naryqta 118 myń avtomobil satylǵan bolsa, onyń aldyndaǵy jyly 97 myń kólik satylsa, sonyń 65 paiyzy otandyq avtoóndiris bolǵan. Iaǵni azamattarymyzdyń basym bóligi ýtilizatsiialyq alymsyz kólik satyp alǵan. Aitpaqshy, bizdegi ýtilizatsiialyq alym tetigi Resei Federatsiiasy men Belarýs Respýblikasyndaǵy tetik siiaqty. Ózbekstan Respýblikasynda da osyndai tetiktiń balamasy bar. Iaǵni otandyq óndiriske ýtilizatsiialyq alym sol sátte-aq qaitaryp beriledi», - degen ýáj aitty ol.
Vitse-ministrdiń oiynsha, otandyq avtomobil ónerkásibi básekege qabiletti brendterdiń bárin shyǵaryp otyr.
«Shynymen de azamattardyń 65 paiyzy kólikti ýtilizatsiialyq alymsyz satyp aldy. Qalǵan 35 paiyzy importtyq tehnika satyp ákelgen. Qazir otandyq avtoóndiriste álemdik brendterdiń barlyq úlgisi bar. KIA da bar, Hyundai da bar, LADA, Chevrolet de bar. Sonda BMV men Mersedes qana qalyp otyr. Bul endi «premiým klass». Sonda 35 paiyzdyń qalǵany «premiým klastyń» kólikteri. Olardyń baǵasy 20 mln teńgeden bastalady. Mundai kólikti tizgindegisi keletinder ýtilizatsiialyq alym tólemeimin dese, óndirisin tutas osynda jolǵa qoiý kerek. Sonda ǵana ýtilizatsiialyq alymsyz satyp alýǵa bolady», - dedi Marat Qarabaev.
