Jyl basynan beri kólik politseileri 32 myńnan astam quqyq buzýshyny ákimshilik jaýapkershilikke tartty, dep habarlaidy "Ult aqparat" Kóliktegi politsiia departamentiniń baspasóz qyzmetine silteme jasap.
QR IIM Kóliktegi politsiia departamentiniń basshysy Ońal Bekeevtiń tóraǵalyǵymen keńeitilgen keńes ótti. Onda departamenttiń 9 aidaǵy jumysynyń qorytyndysy qaralyp, kólik politsiiasynyń aldaǵy kezeńge arnalǵan negizgi mindetteri aiqyndaldy. Basqosýǵa departament apparatynyń qyzmet bastyqtary men aýmaqtyq bólinis basshylary qatysty.
Keńesti ashqan O. Bekeev elimizdiń temirjol jáne áýe kóligi nysandaryndaǵy jedel jaǵdaiǵa jan-jaqty toqtaldy.
Onyń aitýynsha, jyl basynan beri kólik politseileri áýe jáne temirjol kóligimen tasymaldanǵan 15 millionnan astam azamattyń qaýipsizdigin qamtamasyz etken.
Vedomstvo basshysy qylmys sanyn 27,1%-ǵa tómendetýge qol jetkizilgenin atap ótti. 9 aida barlyǵy 1 159 qylmystyq quqyq buzýshylyq tirkeldi. Olardyń jalpy ashylýy 91%-dy qurady.
Túrli quqyq buzýshylyqtary úshin 32 498 azamat ákimshilik jaýapkershilikke tartyldy. Sondai-aq, esirtkiniń zańsyz taralý faktilerin anyqtaýǵa jáne jolyn kesýge baǵyttalǵan sharalar iske asyryldy. Departament bólinisteriniń kúshimen 155 keliden astam ártúrli esirtki zaty tárkilendi.
Keńes barysynda Prezidenttiń Qazaqstan halqyna Joldaýyn iske asyrý, sonyń ishinde ishki ister organdaryn reformalaý, «halyq únine qulaq asatyn memleket» tujyrymdamasy aiasynda politsiia jumysynyń ashyqtyǵy men aiqyndyǵyn qamtamasyz etý jónindegi máseleler keńinen talqylandy.
«Bul Memleket basshysynyń naqty tapsyrmasy. Birinshiden, politsiiada tek kásibi mamandar qyzmet etýi qajet. Ekinshiden, bolashaq politsiia qyzmetkeriniń joǵary moraldyq qasietteri, adal, ádepti jáne dene daiyndyǵy da shyńdalǵan bolýy qajet. Ol qandai mańyzdy laýazymda qyzmet atqaratynyn jáne qanshalyqty jaýapty ekenin tolyqqandy túsinýi qajet», - dedi O. Bekeev.
Budan soń, birqatar aýmaqtyq bólinis basshylarynyń baiandamasy tyńdaldy.
Shara barysynda kadr saiasatyna basa nazar aýdaryldy. Sonymen qatar, politseilerdiń qyzmettik-jaýyngerlik daiyndyq deńgeiin kóterý jáne jeke quram arasyndaǵy tártipti nyǵaitý máseleleri aityldy.
O. Bekeev keńesti qorytyndylai kele, bólinis basshylaryna jedel qyzmetti kúsheitý, qylmystardy izin sýytpai ashý, quqyqbuzýshylyqtardyń aldyn alý, adamdar kóp shoǵyrlanatyn temir jol qozǵalysynda, áýejai nysandarynda, vokzaldar men perrondarda qoǵamdyq tártip pen azamattardyń qaýipsizdigin qamtamasyz etý boiynsha birqatar mindetter qoidy.
