2019 jyldyń 1 maýsymyna deiin Qazaqstannyń barlyq aýmaǵyndaǵy HQKO-da saqtandyrý terminaldary jumys jasaityn bolady.
Bul bastama qaǵazbastylyqtan arylýǵa yqpal jasaityn bolady. Sonymen qatar, HQKO-ǵy tolassyz kezektiń bolýyn týdyrmaidy. Osy oraida, elimizde 400-ge jýyq saqtandyrý terminaly ornatylady dep kútilýde.
«Qazaqstanda elektrondy saqtandyrý jumysy bes aidan beri jumys istep keledi. Biraq osy ýaqyt ishinde aitarlyqtai nátije baiqalmady. Internet arqyly bar bolǵany 500 myńǵa jýyq polis satylǵan. Bul qazaqstandyqtardyń internet arqyly satyp alýyna degen seniminiń joqtyǵyn bildiredi. Bul saqtandyrý túri barlyǵyna qolaily emes. Saqtandyrý terminaldary - qujattardy resimdeý jáne onlain-tirkeý aralyǵyndaǵy ońtaily, ári senimdi jol bolmaq. Sondyqtan, qazaqstandyqtar mundai terminaldarǵa mol senim artady», - deidi «Freedom Finance Insurance» direktorlar keńesiniń tóraǵasy.
Qazirgi tańda avtokólikti saqtandyrý naryǵy 16 mlrd teńgege jetken. Saqtandyrýdyń jalpy kólemi, sonyń ishinde ómirdi saqtandyrý 118 mlrd. teńgeni quraidy. Al, 86 mlrd teńge jalpy saqtandyrýǵa tiesili.
Sonymen qatar, AQI A QJ MS polisin Qiwi terminaldary arqyly rásimdeýge de bolady. Bul qyzmet barlyq óńir boiynsha 16 myń avtomattandyrylǵan qondyrǵyǵa ornalastyrylǵan. Ol úshin telefon nómiri, JSN, kólik quraldarynyń nómiri jáne t.b. aqparattardy engizý kerek.
«Qazir kompaniia terminal, sait jáne Qiwi arqyly internettegi saqtandyrýǵa basa nazar aýdarǵysy keledi. Sondyqtan, satý ofisterinen, filialdardan jáne agentterden bas tarttyq. Basty nazardy qyzmet kórsetý jáne saqtandyrý tólemderine aýdaryp otyrmyz. Sonymen qatar, avariialyq-qutqarý qyzmetteri de, apat oryn alǵan jaǵdaida jyldam jumys isteidi», - deidi Timýr Týrlov.
Týrlovtyń aitýynsha, kompaniia shyǵyn mólsherin esepteý úderisin avtomattandyrǵan. Osylaisha, apattan keltirilgen zalal 350 myń teńgeden aspasa, onda avtokólik ieleri bank kartasynan bir saǵat ishinde aqsha alady.
Eske sala keteiik, bul atqarylyp jatqan jumystar barysy elimizdegi «Tsifrlyq Qazaqstan» baǵdarlamasynyń aiasynda júzege asyp jatyr.
