Apat saldarynan eki aiaǵynan aiyrylǵan Almaty turǵyny Ekaterina Parafieva jattyǵýlaryn kórsetti, dep habarlaidy QazAqparat.
«Búgin sizderge jattyǵýlarymnan úzindi kórsetemin. Árine, mashyqtardy oryndaý ońai soǵyp júrgen joq. Aýrýhanada jatqanda álsiregenim sonshalyq, tipti qolymdy kóterýge mursham bolmaityn edi. Mine, jarty jyldan keiin nátije aiqyn kórinip tur», - deidi Ekaterina.
Ol Almatyda bolǵan jol apatynda eki aiaǵynan aiyrylǵan bolatyn. Biraq erik-jigeri myqty jan jurtqa qaisarlyqtyń úlgisin tanytyp keledi. Onyń ońalýyna volonter Kira Ýdartseva kómektesýde.
Ekaterina jan túrshigerlik oqiǵaǵa deiingi belsendi ómir saltyn jalǵastyrýǵa baryn salyp jatyr. Onyń áleýmettik jelidegi fotosýretteri de osyǵan aiǵaq. Ýaqytynyń bárin qyzymen ótkizedi, jattyǵady, bokstyń qyr-syryn da úirenip júr, tipti taý asyp ta keldi.
Ekaterina Parafieva, budan tys elimizde jáne shetelde tanymal Nomad Stunts kaskaderlarynyń qonaǵy bolyp qaitty.
