foto: drive2.ru
Óskemen qalasynda kóligin bes minýttan artyq qyzdyrǵan úsh adamǵa aiyppul salyndy, dep habarlaidy Ult.kz.
Shyǵys Qazaqstan politsiia departamentiniń málimetinshe, aýdanda kóligin uzaq qyzdyrǵany úshin azamattarǵa aiyppul salýǵa negiz bolǵan úsh aryzdy da bir adam bergen. Ol tańerteń aýlaǵa shyǵyp, avtokólikterdi videoǵa túsirip, tártip saqshylaryna shaǵymdanǵan.
“102 arnasyna túsken bul shaǵymdar negizinde kólik ieleri ákimshilik jaýapkershilikke tartyldy. Politsiia azamattarǵa jappai aiyppul salýdy maqsat etpeidi. Tártip buzýshylyq týraly aiyppul shaǵymdar túsken jáne foto nemese beine dálelder usynylǵan jaǵdaida ǵana beriledi”,- dep habarlady departamenttiń baspasóz qyzmeti.
Aita ketý kerek, turǵyn úi mańynda qozǵaltqyshy bes minýttan artyq jumys istegen kólik júrgizýshilerine 5 AEK mólsherinde (19 660 teńge) aiyppul qarastyrylǵan.
