Astana ákimi Altai Kólginov elorda basshysy qyzmetinen ketetini týraly jelide taraǵan aqparatqa túsinikteme berdi, dep habarlaidy Sputnik Qazaqstan.
"Men sybystarǵa bailanysty eshteńe dei almaimyn. Menińshe, bárin ýaqyt kórsetedi. Ózderińiz biletindei, zańǵa sáikes, Konstitýtsiia boiynsha Prezident sailanǵannan keiin ákimderdiń bári de óz laýazymyn bosatady. Ári qarai ne bolatynyn ózderińiz esti jatarsyzdar", - dedi Kólginov elordadaǵy Táýelsizdik saraiynda ótken ulyqtaý rásiminen keiin.
Osy oraida qala ákimi "árdaiym elge, qoǵamǵa qyzmet etýge daiyn" ekenin atap ótti.
"Memlekettik qyzmettiń máni de sonda" dep sanaidy qala basshysy.
Buǵan deiin áleýmettik jelide Astana ákimi Altai Kólginovtiń ornyna Jeńis Qasymbek taǵaiyndalatyny týraly aqparat taraǵan edi. Qasymbek qazir Qaraǵandy oblysyn basqarady.
